ქართული ლიტერატურის მკვლევარი, ფილოლოგიის დოქტორი და ესეისტი გია მურღულია სოციალურ ქსელში მორიგ საინტერესო, შთამაგონებელ და ცხოვრებისეულ პოსტს აქვეყნებს:
„რას გამოხატავს სიტყვა „შთაგონება“?
იმას, რაც შენზე არ არის დამოკიდებული და გარედან გეძლევა.
თუ უფრო დავაზუსტებთ - „ზემოდან“.
თუ შთაგონებას აღიარებ, შთამაგონებელიც უნდა აღიარო.
მოდით, ეს ლოგიკა გავაგრძელოთ:
თუ შთამაგონებელს აღიარებ, შთაგონების მიზანიც უნდა დაინახო.
რა შეიძლება იყოს ეს მიზანი?
მხოლოდ ის, რომ სამყარო თვითსრულყოფისკენ მიისწრაფვის და ამისთვის თავის ყველა ნაწილს (რომელიც, თავისთავად, მთელია) იყენებს.
შენ გეძლევა იდეა (მანამდე - ამ იდეის შეცნობის, გაცოცხლებისა და რეალიზების შესაძლებლობა), რათა შენი ცხოვრების კონკრეტული მიზანი საზოგადო სიკეთედ იქცეს.
შთაგონება დაძალება არ არის - ძლიერი მოტივაციის სახეა, რომელიც ადამიანს და მისი მეშვეობით სამყაროსაც უკეთესს ხდის.
შთაგონება ღმერთისა და ადამიანის სინერგიაა - გამაოგნებლად ძალმოსილი და მშვენიერი.
ის მხოლოდ მასთან მიდის, ვინც მზად არის - იდეა გაიგოს და განახორციელოს.
შთაგონება ზედმეტად კარგი და მნიშვნელოვანია, რომ კეთილ საქმედ არ იქცეს.
მეგობარო, შენ მზად ხარ, რომ გესტუმროს?
დაფიქრება და გარჯა გმართებს, რომ მოემზადო.
ღმერთი ტყუილად არავისთვის მიდის - ამის დრო არ აქვს“, - წერს გია მურღულია.
⭕ ასევე დაგაინტერესებთ:
