დღეს, 7 თებერვალს სოფელ ასურეთის მიმდებარედ, საჰაერო ბურთის ჩამოვარდნის შედეგად ტელეკომპანია „იმედის“ ოპერატორი მიშო ბიძინაშვილი და ორი მფრინავი დაიღუპა.
ასევე, მძიმე დღე იყო იმერეთში, სოფელ ბაღდათში სტიქიის შედეგად 8 ადამიანი გარდაიცვალა, ხოლო ერთი პირის მიმართ ამ დრომდე გრძელდება სამძებრო სამუშაოები.
ჟურნალისტი თათია ზუხბაია სოციალურ ქსელში ემოციურ სტატუსს აქვეყნებს და მომხდარს ეხმაურება.
„მიწაში ჩაფლულებზე…. ემიგრანტი დედის გულზე აღარ მინდა ფიქრი, იმ საშინელმა სიკვდილის ჩიტებმა, შვილები რომ გამოგლიჯეს, ერთი კი არა, სამივე…. მერე ამასაც არ დასჯერდნენ, მიწიდან ცაში აიჭრნენ, მრავალგზის გამოცდილ, მფრინავებზე, სწრაფები და მოქნილები…
ისევ ის საშინელი ჩიტები გამოდგნენ.. გულს გაგიბზარავს იმაზე ფიქრი, თუ რას ხედავდა და რას შეიძლება გრძნობდა, ჩემი კოლეგა, ღიმილიანი და თავაზიანი მიშო. ან რა კადრები ინახება, იმ კამერაში, რომელმაც მასთან ერთად იფრინა, და რომელსაც ბოლომდე პროფესიულად უერთგულა. ვინ რა იცის, ქვემოთ მომლოდინე იმ ჟურნალისტის გულში რა ხდება, წამებში წლების მეგობარი რომ გაუფრინდა… ან ის მძღოლი რას ფიქრობს, მივლინებიდან ერთით ნაკლები ადამიანით, რომ დაბრუნდა.. რა საზარელი დღეა“, - წერს თათია ზუხბაია.
⭕ აგრეთვე დაგაინტერესებთ:
⭕„მადლობა რომ ჩემი მეგობრის სიკვდილი ექსკლუზიურად მაყურებინეთ...“ - ჟურნალისტი
