საქართველოს ეროვნული ნაკრების გამთამაშებლის და მსროლელის რატი ანდრონიკაშვილის ცხოვრებაში სასიხარულო სიახლეა.
მან რჩეულს, ელენე შელიას ხელი სთხოვა. ინფორმაცია წყვილმა სოციალურ ქსელში გაგვიზიარა.
შეგახსენებთ, რომ სპორტსმენი 26 წლისაა.
ქართველი კალათბურთელი, ასევე საკმაოდ წარმატებულად თამაშობს ისლანდიის უმაღლესი დივიზიონის გუნდ „ალფტანეზში“. ქართველი გამთამაშებელი ისლანდიურ კლუბს 2025 წლის დეკემბერში შეუერთდა.
რატი ანდრონიკაშვილი 2019 წლიდან საქართველოს ეროვნული საკალათბურთო ნაკრების წევრია. წარსულში იგი ასევე წარმოადგენდა საქართველოს 19 და 17 წლამდე კალათბურთელთა ნაკრებებს. 2019 წლის ფიბას 18-წლამდელთა ევროპის ჩემპიონატის B დივიზიონში ანდრონიკაშვილის საშუალო მაჩვენებელი იყო: 17.4 ქულა, 5.9 მოხსნა და 4.0 შედეგიანი გადაცემა.
ქართველმა 2023 წლის ფიბას მსოფლიო ჩემპიონატის შესარჩევ ეტაპზე რამდენიმე თამაში ჩაატარა. ანდრონიკაშვილმა მონაწილეობა მიიღო „აკროპოლისის თასზე“ გამართულ შეხვედრებში საბერძნეთის ეროვნული საკალათბურთო ნაკრების, პოლონეთის ეროვნული საკალათბურთო ნაკრებისა და თურქეთის ეროვნული საკალათბურთო ნაკრების წინააღმდეგ.
ასევე დაგაინტერესებთ:
💥 „არა“ - როგორც ფარი: რატომ გვანადგურებს ხშირად ჩვენივე სიკეთე?
