საზოგადოებრივი ჯანმრთელობის ინსტიტუტის თავმჯდომარე და საერთაშორისო ჯანდაცვის აღიარებული ექსპერტი, WHO-ს ექსპერტი, Relief International-ის მმართველი საბჭოს დირექტორი და გაეროს გენერალური მდივნის ყოფილი მრჩეველი პროფესორი გიორგი ფხაკაძე, რომელსაც აქვს 25 წელზე მეტი გამოცდილება ჯანდაცვის სექტორში, როგორც საქართველოში, ასევე საერთაშორისო დონეზე, სოციალურ ქსელში საზოგადოებას პერიოდულად უზიარებს სასარგებლო რჩევებს.
ამჯერად იგი საზოგადოებას ახალ ინფორმაციას უზიარებს, რომელსაც „დაიჯესტი“ უცვლელად გთავაზობთ:
„კავშირი პირის ღრუს ჰიგიენასა და ქრონიკულ ტკივილებს შორის - ახალი კვლევის საგანგაშო შედეგები:
ახალმა კვლევამ დაამტკიცა, რომ პირის ღრუს ცუდი ჰიგიენა შეიძლება პირდაპირ კავშირში იყოს მიგრენებთან, მუცლის ტკივილებთან და ფიბრომიალგიასთან — ქრონიკულ დაავადებასთან, რომელიც გავრცელებულია ქალებში.
ძირითადი მიგნებები:
ფიბრომიალგიით დაავადებულ ქალებში, დაბალი პირის ღრუს ჯანმრთელობის ქულები პირდაპირ ასოცირდებოდა მაღალი ტკივილის დონესთან.
კვლევაში მონაწილე ქალების 2/3 ფიბრომიალგიით იყო დაავადებული.
ოთხი კონკრეტული ბაქტერია აღმოჩნდა კავშირში ტკივილის სიმპტომებთან, განსაკუთრებით მიგრენასა და გავრცელებულ სხეულებრივ ტკივილთან.
შედეგები დარჩა მყარი ასაკის, წონის (BMI) და შაქრის მოხმარების გათვალისწინების შემდეგაც.
როგორ მუშაობს მექანიზმი?
მეცნიერები ვარაუდობენ, რომ პირის ღრუს მიკრობიომის (ბაქტერიების ბალანსის) დარღვევას შეუძლია გავლენა მოახდინოს ნერვულ სისტემაზე — გააძლიეროს ანთება და ტკივილის რეცეპტორების აქტივაცია.
გამოსავალი: რეგულარული კბილების წმენდა, ენის, ღრძილების და ლოყების შიდა მხარის ჰიგიენა, შაქრის შემცირება კვებაში.
სტომატოლოგთან ვიზიტი ყოველ 6 თვეში ერთხელ“, - წერს გიორგი ფხაკაძე.
ასევე დაგაინტერესებთ:
🎥 როგორია ზურა ნიჟარაძე ეკრანს მიღმა და სამი როლი, რისი თამაშიც ოცნებად აქვს
