საქართველოს ეროვნული ბიბლიოთეკის დირექტორი გიორგი კეკელიძე ფეისბუკის პირად გვერდზე პოსტს აქვეყნებს და წერს, რომ „ნაპოლის“ ქართველი ვარსკვლავის ხვიჩა კვარაცხელიას შესახებ დაწერილი წიგნით არაერთი რუსული გამომცემლობა დაინტერესდა, თუმცა ყველა მათგანს უარი უთხრეს.
როგორც კეკელიძე წერს, მიუხედავად ამისა წიგნი რუსულად მაინც გამოვა და მას გამოსცემს ქართული გამომცემლობა.
რა მიზნით და რატომ ამას კეკელიძის პოსტიდან უკეთ გაიგებთ.
„წიგნის „ხვიჩა, ვარსკვლავი სახელად ვარსკვლავი“ გამოცემის თხოვნით არაერთი რუსული გამომცემლობა შეგვეხმიანა და ყველას უარი ვუთხარი. თუმცა წიგნი რუსულად მაინც გამოვა, გამოსცემს ქართულივე გამომცემლობა.
გარეკანის დიზაინი მცირედით შეცვლილი იქნება და ეწერება - „საქართველოს ტერიტორიის 20 პროცენტი ოკუპირებულია რუსეთის მიერ“, საავტორო ჰონორარს კი ეროვნული გმირის, გიორგი ანწუხელიძის შვილებისთვის დაწესებული სტიპენდიის დანამატად ვაქცევთ.
ორი ტიპის წუხილი იქნება ალბათ. პირველი, რუსეთუმეების - ეს პასუხადაც არ ღირს.
მეორე : - საერთოდ რატომ ითარგმნოს რუსულად.
პასუხი:
1) იმდენად დიდია ინტერესი, რომ მალე აუცილებლად გაჩნდებოდა პირატული ვერსიები
2) ისედაც მომრავლებული რუსული წარწერების და ლაპარაკის ფონზე, ეს იქნება გზავნილი მათთვის გასაგებ ენაზე
3) ამ ფორმით წიგნს წაიკითხავენ არამხოლოდ რუსები - ყაზახები, უზბეკები და სხვებიც - მათაც შეეგებებათ ჩვენი უმთავრესი და ზოგჯერ ჩვენს მიერვე წაყრუებული სათქმელი“,- წერს კეკელიძე.
ასევე დაგაინტერესებთ:
🔵 „9 და 10 ივნისს საქართველოში ჰაერის ტემპერატურა +30 გრადუსს მიაღწევს“ - მეტეოროლოგის პროგნოზი
