„ტანჯვა არ არის სიწმინდე, ტანჯვა არ არის ჯილდო, ტანჯვა არ არის გზა ბედნიერებისკენ, ტანჯვა არის სიგნალი, ნავიგატორი, ტანჯვა არ არის გმირობა...“, - ამის შესახებ სოციალურ ქსელში მინეროლოგი, ეზოტერიკოსი თამუნა იოსელიანი წერს.
მისი თქმით, სულიერი ზრდა იწყება მაშინ, როცა ადამიანი აღარ იტანჯება, არამედ ირჩევს ცვლილებას:
„მაქვს ცუდი ამბავი მათთვის, ვისაც სჯერა, რომ ტანჯვა ადამიანს უკეთესს, წმინდას და უფრო სულიერს ხდის.
თქვენ ცდებით.
ტანჯვა არ არის სიწმინდე, ტანჯვა არ არის ჯილდო, ტანჯვა არ არის გზა ბედნიერებისკენ, ტანჯვა არის სიგნალი, ნავიგატორი.
შეტყობინება, რომელიც ამბობს: „აქ რაღაც არასწორია. შეცვალე.“
მაგალითად: ქალი ცხოვრობს მამაკაცთან, რომელიც სვამს, ამცირებს, ღალატობს.
ის იტანჯება და ეს ტანჯვა არ ამბობს: „დარჩი და გაძლიერდები“.
ეს ტანჯვა ამბობს: „წადი, შეცვალე, გადაირჩინე თავი“, მაგრამ ქალი რჩება, რადგან სჯერა, რომ რაც მეტად იტანჯება, მით მეტ ბედნიერებას „დაიმსახურებს“ მომავალში.
სიმართლე კი ასეთია: ის მხოლოდ კიდევ მეტ ტკივილს იმსახურებს, თუ არაფერს შეცვლის.
ან კიდევ: კაცი წლები მუშაობს სამსახურში, სადაც არ აფასებენ, ცოტას უხდიან და მუდმივად აკნინებენ.
ის იტანჯება და ამაყად ამბობს: „მე ბევრი გადამიტანია“, მაგრამ ტანჯვა არ არის გმირობა.
ეს უბრალოდ სიგნალია, რომ დროა გადაწყვეტილების მიღების. სულიერი ზრდა არ იწყება ტკივილით.
შეგიძლია იტანჯო ერთი წელი, ათი წელი, მთელი ცხოვრება და არაფერი შეიცვლება.
სულიერი ზრდა იწყება კითხვით:
„რა უნდა გავაკეთო, რომ ეს შევცვალო?“ მნიშვნელობა არ აქვს, რამდენ ხანს იტანჯებოდი - 20 წელი თუ 20 წუთი.
მნიშვნელობა აქვს მხოლოდ ერთს:
გადაწყვეტილებას და მოქმედებას.
ტანჯვა არ გაძლევს ფრთებს.
გადაწყვეტილება — გაძლევს.
მოწოდება:
თუ ტკივილს გრძნობ, არ გაამართლო ის.
ჰკითხე საკუთარ თავს: „რას შევცვლი დღეს, რომ აღარ მტკიოდეს?“ და გააკეთე პირველი ნაბიჯი. დღეს და ახლა. მორალი ტანჯვა არ არის ღირსება. ტანჯვა არის სიგნალი. სულიერი ზრდა იწყება მაშინ, როცა ადამიანი აღარ იტანჯება, არამედ ირჩევს ცვლილებას“, - წერს თამუნა იოსელიანი.
ასევე დაგაინტერესებთ:
⭕„აუ, რა გოგოები... ულამაზესი დედა-შვილი“ - ნინი შერმადინის ახალი ფოტოები დათოვლილი ამერიკიდან
