გრიშა ონიანი სოციალურ ქსელში სტატუსს აქვეყნებს და მოცეკვავე თეა დარჩიას მიმართავს.
„ქალბატონ" თეა დარჩიას...
მე პირადად თქვენგან საჯაროდ მოხდილ ბოდიშს არ ვიღებ!
თქვენი გამოთქმული აზრი ქართულ სიმღერაზე ქვეცნობიერმა გიკარნახათ, ცნობიერი "ბოდიში" კი ხალხის საერთო აღშფოთებამ და შიშმა გათქმევინათ.
რამ გაგაბოროტათ?! ასე რამ აგაღელვათ უფრო მეტად ქალბატონები?! უდიდესი პატრიოტების მიერ აღზრდილო ქალბატონებო, რომ ასე გძულთ საქართველო, ქართული ტრადიციები და კულტურა. ან თქვენ ვინ უნდა განდოთ ნორჩი თაობები აღსაზრდელად, როდესაც ასეთი ბოღმა და სიძულვილი გაქვთ გულში ჩანერგილი?
როგორც დიდი ვაჟა იტყოდა:
"ვერაფრით ამოვუყვანე უბეს ნაჯდომი გველია".
მრავალ საუკუნე გამოვლილი 150 სვანური სიმღერა, რომელიც აკაკი შანიძემ და ვარლამ თოფურიამ აღწერეს გასული საუკუნის 30-იან წლებში და მარგალიტებად შემოუნახეს შთამომავლობას, მათ შორის "ლილეო" და "რიჰო", რომელზედაც ლადო ასათიანი წერდა:
"მყისვე გაისმა ლილე ამაყი,
მთებით, ბუნების ჰიმნი სვანური".
რომელმაც შეაზანზარა არა მხოლოდ კავკასიონი, არამედ მე-20 საუკუნეს კოსმოსში უნდა გაეგზავნა მომავალი ცივილიზაციებისათვის ეს მზის საგალობლები კახურ "ჩაკრულოსთან“ ერთად.
თქვენ უსამშობლო ქართველების თავის მოსაწონად მას კნავილი უწოდეთ. ეს არა მარტო ბოდიშის მოსახდელი ქმედებაა, არამედ თვითმკვლელობის მცდელობაა, რომელიც ლეტალური შედეგით დასრულდა" - წერს გრიშა ონიანი.
ცნობისთვის, 31 დეკემბრის ღამეს მოცეკვავე ხალხთან ერთად ახალ წელს რუსთაველზე აღნიშნავდა, როდესაც ტელეკომპანია "მთავარის“ ჟურნალისტთან განაცხადა:
„ასე არ გამხარებია ახალი წელი არასოდეს. ყოველთვის ვაპროტესტებდი, რომ სუფრასთან ვმჯდარიყავი და მესმინა ქართველების კნავილისთვის. აი, სიმღერები რაც საუკუნეები, წლები ვისმენთ, მოკლედ, არ მომწონდა ეს მდგომარეობა".
მას შემდეგ, რაც სოციალურ ქსელში დარჩიას კომენტარი ვირუსულად გავრცელდა და კრიტიკა გამოიწვია, მოცეკვავეს ახსნა-განმარტების გაკეთება მოუწია. ახლა ამბობს, რომ საგალობელი და ფოლკლორი არ უგულისხმია.
"სათქმელის არასწორი ფორმულირებისთვის, საჯაროდ ვიხდი ბოდიშს. ნათქვამში არც საგალობლები და არც ფოლკლორი არ მოიაზრებოდა“- წერს თეა დარჩია.
⭕ ასევე დაგაინტერესებთ:
⭕სრულიად საქართველოს კათოლიკოს-პატრიარქი ილია მეორე იუბილარია - მას 92 წელი შეუსრულდა
⭕როგორ განკურნა უწმინდესის ლოცვამ კახი კავსაძე მძიმე სენისგან?
⭕როდის უნდა დავშალოთ ნაძვის ხე - ნათლისღებამდე თუ მის შემდეგ?
