„ქობულეთელი კაცის საჩუქარი ქობულეთელ კაცს მშობლიურ ქალაქში...“ - ვინ აჩუქა საბა ლაზიშვილს ბინა?

„საბა ლაზიშვილს ქობულეთში ჯანო ანანიძემ ბინა აჩუქა.  

ქობულეთელი კაცის საჩუქარი ქობულეთელ კაცს მშობლიურ ქალაქში.  

საბა საქართველოში 20 ნოემბერს ჩამოვა და ჯანო ჩემპიონ კაცს საჩუქარს პირადად გადასცემს“, - წერს Geo team-ი.

ცნობისთვის, ქართველმა მოჭიდავემ, საბა ლაზიშვილმა Real American Freestyle-ის (RAF) ეგიდით გამართულ ტურნირზე წარმატებით იასპარეზა. 21 წლის სპორტსმენმა აბუ-დაბიში, „ეტიჰად არენაზე“ UFC-ის დიდების დარბაზის წევრი, ამერიკელი იურაია ფეიბერი დაამარცხა.

თავდაპირველად ფეიბერის მეტოქე უმარ ნურმაგომედოვი უნდა ყოფილიყო, თუმცა აბუ-დაბიში მომხდარი ინციდენტის შემდეგ ორგანიზაციამ ის ტურნირიდან ჩახსნა და მის ნაცვლად ქართველი სპორტსმენი შეიყვანა.

11 ნოემბერს აბუ დაბის ერთ-ერთ სასტუმროში მერაბ დვალიშვილსა და საბა ლაზიშვილს უსმან ნურმაგომედოვი და მისი თანმხლები პირები თავს დაესხნენ. ინციდენტის შემდეგ ორივე ქართველი დააკავეს, თუმცა 13 ნოემბერს გაათავისუფლეს.

აღსანიშნავია, რომ ლაზიშვილისთვის ეს RAF-ის ეგიდით გამართული სადებიუტო შეხვედრა იყო, რომელიც ქართველმა სპორტსმენმა გამარჯვებით დაასრულა.

⭕ აგრეთვე დაგაინტერესებთ:

🎥 „მე ვვამაყობ, მეუღლე კი ძალიან ნერვიულობდა... დაალაგა სიტუაცია და ძალიან სწორად იჩხუბა“ - რას ჰყვება საბა ლაზიშვილის მამა

🎥 გელა დაიაური შატილის მძიმე ავარიასა და ოჯახის დაკარგვაზე: „სიცივისგან ვკანკალებდი და ვკითხე, გადარჩენილი მყავს ვინმე-მეთქი?“

🎥 „თეონა თავის დიდ შემოქმედებაზე მილიონჯერ დიდი ადამიანი იყო“ - გელა დაიაური გარდაცვლილ მეუღლეზე