„ქვეითთა მოძრაობა რატომ არ რეგულირდება ჯარიმით...ბავშვებს რომ რამე მოსვლოდათ, ხომ უნდა მომეკლა თავი“ - რა შეემთხვა მარიკა ბაკურაძეს?

„მთაწმინდიდან დაღმართზე დავეშვი და ორმა ბავშვმა გადამირბინა წინ. რა თქმა უნდა დავამუხრუჭე, მაგრამ თვითონ მანქანამ უცნაური ხმა გამოსცა, თითქოს არ შეჩერდა და საცაა გული მისკდებოდა უკვე რომ ბოლო მომენტში გაჩერდა.

ანუ, რაღაც გაუთვალისწინებელი მოხდა და წკიპზე გადავრჩით. ბავშვებს რომ რამე მოსვლოდათ, ხომ უნდა მომეკლა თავი.

ამით ის მინდა ვთქვა, რომ ყოველთვის ხდება რაღაც მოულოდნელი, ისეთი, რაც წესებს არ ემორჩილება და ამ ყველაფრის ფონზე განსაკუთრებით მაშინებს ქვეითების ქცევა.

პირველ რიგში ეს ეხება ყურსასმენებს და მესიჯებს. წარმოუდგენელია უკვე, გზაზე გადადიან ისე, რომ არც ყურში ესმით, არც გზას უყურებენ, ტელეფონში აქვთ ჩავარდნილი თავი, მუსიკა ხმამაღალზე აწეული და სრული უპასუხისმგებლობა საკუთარი თავის და მძღოლის მიმართ.

მე მესმის, რომ მძღოლი ვალდებულია ქვეითს დაუთმოს, დაელოდოს, გაატაროს, ყველაფერი მესმის, მაგრამ ქვეითის პასუხისმგებლობაც სადღაც ხომ უნდა იყოს?

თვალი და ყური ხომ დახშული აქვთ და კიდევ იმას ამატებენ, რომ ტრანსპორტის წინიდან ხტებიან გზაზე გადასასვლელად, ეს კიდევ მეორე კოშმარი.

როგორ მაინტერესებს, ქვეითთა მოძრაობა რატომ არ რეგულირდება ჯარიმით ან რაიმე ფორმით?“,- წერს ბაკურაძე.

აგრეთვე დაგაინტერესებთ:

🔵„ძლიერი დადებითი ვიბრაციები საშუალებას მოგვცემს, ვიგრძნოთ აღმაფრენა, გამოვავლინოთ საუკეთესო თვისებები, ნიჭი და უნარები“ - მიხეილ ცაგარელი

🔵„ჩვენი მეგობარი, ნიჭიერი და გულიანი კაცი, შესანიშნავი მომღერალი“ - გია ბაღაშვილი სამწუხარო ინფორმაციას ავრცელებს

🔵„მადლობა სამყაროს იმისთვის, რომ შენი თავი გამომიგზავნა“ - როგორ მიულოცა რუსკა ქარქაშაძემ ქმარს დაბადების დღე