რამდენიმე დღის წინ ხაშურის მუნიციპალიტეტის სოფელ ცხრამუხაში, დედათა მონასტერში უცნობი პირები შეიჭრნენ და დედა ანას სასტიკად გაუსწორდნენ.
მონაზონს მძიმე დაზიანებები აქვს მიყენებული. აღნიშნულ ფაქტს სოციალურ ქსელში საქართველოს ყოფილი პირველი ლედი მაკა ჩიჩუა გამოეხმაურა.
„რატომ დუმს სახელმწიფო ინსტიტუტები ! რას მიჩუმებულა ეკლესია /საპატრიარქო !!
რა ხდება ამ პაწაწინა ქვეყანაში?
ასეთი მოძალადე და დაუნდობელი გარემო უფრო და უფრო საშიში ხდება. სიცოცხლით სავსე კი არა და ტკივილით და შიშით გადაივსო ეს ქვეყანა.
ფასადებს დაანებეთ თავი, ხალხს მიხედეთ. ადამიანია მთავარი და მერე ადამიანზე მორგებული ინფრასტრუქტურა
შევხედოთ და თვალი გავისწოროთ რეალობას“, - წერს მაკა ჩიჩუა.
მოგვიანებით საქართველოს ყოფილმა პირველმა ლედიმ მაკა ჩიჩუამ ჟურნალისტებთან საუბრისას აღნიშნულ საკითხზე მორიგი კომენტარიც გააკეთა.
„ვფიქრობ, მალე აუცილებელი გახდება გრძელი კაბების ჩაცმა, შეიძლება ფარანჯაც ჩაგვაცვან, რომ არ გაღიზიანდეს მამაკაცი…
თუ ადამიანი არ იქნება ღირებული ქვეყანაში, მაშინ ფასადური ქუჩების რეაბილიტაციას რა აზრი აქვს, შადრევანიც ვერ მოახერხეს ისეთი გაეკეთებინათ, რომ ადამიანი არ დაღუპულიყო“, – თქვა მაკა ჩიჩუამ.
ასევე დაგაინტერესებთ:
🎥 რა უნდა გავაკეთოთ თუ ბავშვი კრუნჩხვებში ჩავარდება - პედიატრის მნიშვნელოვანი რჩევები
