ცნობილი ნუტრიციოლოგი და კვების ფსიქოლოგი ნატა გაგუა, რომელიც ამბობს, რომ წონის კლება ნებისყოფის გამომუშავება კი არა, მოქნილი სისტემის შექმნაა, სოციალურ ქსელში ახალ პოსტს ავრცელებს, სადაც აღნიშნავს, რომ ბოლო დროს Frugal Chic-ის მიმართულებამ დააფიქრა.
იგი აღნიშნავს, რომ ეს არ არის უბრალოდ სტილი, არამედ ფილოსოფიაა:
„რატომ ხდება სიმარტივე ყველაზე ძვირადღირებული ფუფუნება? ბოლო დროს ერთმა მიმართულებამ განსაკუთრებით დამაფიქრა - Frugal Chic.
ეს არ არის უბრალოდ სტილი. ეს არის ფილოსოფია.
Frugal ნიშნავს ზომიერებას, რესურსებისადმი ფრთხილ დამოკიდებულებას, გონივრულ არჩევანს. Chic კი - ელეგანტურობას, დახვეწილ გემოვნებას და როცა ეს ორი სიტყვა ერთიანდება, იბადება ძალიან საინტერესო იდეა: ნამდვილი სტილი ფულით არ იქმნება - ის გემოვნების, ინტელექტისა და ზომიერების შედეგია.
Frugal Chic არ ნიშნავს სიძუნწეს. ეს ნიშნავს არჩევანს. არჩევანს, რომ შენი ფასი არ იზომება ნივთების ღირებულებით. ის იზომება იმით, თუ როგორ ატარებ საკუთარ თავს.
ჩემთვის Frugal Chic არის ადამიანი, რომელსაც შეუძლია იყოს ელეგანტური ზედმეტი ხმაურის გარეშე. ადამიანი, რომელიც არ ცდილობს მუდმივად დაამტკიცოს საკუთარი სტატუსი. მას არ სჭირდება ბრენდების ხმამაღალი დემონსტრირება.
მას აქვს სხვა რამ:
• სიმშვიდე
• შინაგანი ღირსება
• სტილი, რომელიც მოდას არ ემორჩილება ასეთი ადამიანები ყოველთვის განსაკუთრებულად საინტერესოები არიან. ისინი არ ცხოვრობენ დემონსტრაციისთვის, ცხოვრობენ შინაარსისთვის.
ალბათ სწორედ ამიტომ მომწონს ეს მიმართულება ასე ძალიან. რატომ გამახსენდა ეს ახლა? ახლახან ვუყურე სერიალს ჯონ კენედი უმცროსსა და მის მეუღლეზე, კეროლაინ ბესეტზე, მათ სიყვარულის ისტორიაზე (Love Story). ვაღიარებ, სერიალისგან ცოტა მეტს ველოდი, თუმცა ჯერ არ დასრულებულა და შეიძლება საბოლოოდ სხვანაირად დამაფიქროს, მაგრამ ერთმა დეტალმა განსაკუთრებით მიიქცია ყურადღება: იქ ძალიან კარგად იგრძნობა ატმოსფერო - ელეგანტურობა ზედმეტი დეკორაციების გარეშე.
იქ არ არის მუდმივი თვითდემონსტრაცია, ხმაურიანი ფუფუნება და ეფექტებზე გათვლილი ჟესტები. უფრო მეტად ჩანს:
• ბუნებრივი სტილი
• ზომიერი ელეგანტურობა
• შინაგანი ღირსება და მივხვდი - ეს არის სტილი, რომელსაც დრო ვერ ზღუდავს. საინტერესო პარადოქსი რაც უფრო მეტ დემონსტრაციულ ფუფუნებას ხედავ თანამედროვე სამყაროში, მით უფრო მეტად იწყებ ზომიერების სილამაზის დაფასებას.
Frugal Chic სწორედ ამას გვახსენებს. ეს არის იდეა, რომ:
• ნაკლები შეიძლება იყოს მეტი;
• სიმარტივე შეიძლება იყოს ელეგანტური;
• შინაგანი კულტურა ბევრად ძლიერია, ვიდრე გარეგანი ბრწყინვალება. და ამაში არის რაღაც ძალიან მშვიდი, მაგრამ ძლიერი.
ახლა თქვენ გკითხავთ: ჩემთვის Frugal Chic არის ადამიანი, რომელიც ცხოვრობს თავისი გემოვნებით, არ არის დამოკიდებული სხვების აზრზე და აქვს საკუთარი, ხელწერად ქცეული სტილი. მაინტერესებს თქვენი აზრი, გიყვართ ასეთი მიმართულება? და კიდევ ერთი კითხვა:
👉 ვინ არის თქვენთვის Frugal Chic ადამიანის კლასიკური მაგალითი?
შეიძლება იყოს:
• ცნობილი ადამიანი;
• ისტორიული ფიგურა;
• ან უბრალოდ ვინმე თქვენი ცხოვრებიდან“, - წერს ნატა გაგუა.
ასევე დაგაინტერესებთ:
🎥 „გილოცავ, მიყვარხარ“ - მაკა ზამბახიძემ 43 წლის იუბილე მეუღლესთან ერთად იტალიაში აღნიშნა
