ანალიტიკოსი ზურაბ ბატიაშვილი სოციალურ ქსელში პოსტს აქვეყნებს და წერს, რომ მალე საქართველოში ბევრი გაჭირვებული რუსი იქნება, რადგან მოქალაქეებს ბარათები დაუბლოკეს.
ბატიაშვილის აზრით, საჭიროა რუსეთთან სავიზო რეჟიმის დაწესება.
„დღეს ჩემ ლაზ მეგობართან ერთად თურქულ რესტორანში ვიყავი და საერთოდ არაფერს დავწერდი, რომ არა ერთი დეტალი, რომელსაც იქიდან გამოსვლისას შეგვემთხვა.
გამოსვლისას ჩემი მეგობარი ორი ნაბიჯით ჩემზე ადრე გავიდა კარიდან და ვიღაც ქალი გამოელაპარაკა. რადგან მან რუსული არ იცის, მომიწია ამ ქალის მოსმენა, რათა გამეგო რა სურდა ჩემი მეგობრისგან.
აღმოჩნდა, რომ რუსია და მათხოვრობს. ლეგენდა კი ისაა, რომ მათ საბანკო ბარათები დაუბლოკეს და არ აქვს ფული.
თან როგორც სჩვევიათ ხოლმე „ნაგლად“ მხოლოდ რუსულად ლაპარაკობენ, თითქოს მთელი მსოფლიო ვალდებულია მათი ენა იცოდეს.
რა თქმა უნდა, პასუხის ღირსად არ ჩავთვალეთ, შემოვტრიალდით და გავეცალეთ.
ანუ რაზედაც ადრეც ვწერდი, აქ ჩამოსული რუსეთის ბევრი მოქალაქე უბრალოდ თავს ვერ ირჩენენ და დაიწყო მათი გაბომჟების პროცესი.
დღეს მათხოვრობენ, ხვალ დანაშაულსაც ჩაიდენენ და თუ ციხეში აღმოჩნდნენ, იქაც ჩვენი სარჩენები გახდებიან.
არადა, რუსეთის ეკონომიკური ჩამოქცევა მხოლოდ ახლა იწყება და ამ ღია კარის პოლიტიკით, რასაც ჩვენი ხელისუფლება ატარებს, კიდევ არაერთი პოტენციური ბომჟი და დამნაშავე აღმოჩნდება ჩვენს ქვეყანაში.
ეთნიკურ ნიადაგზე არავის ვერჩი. უბრალოდ ეს რეალობაა შექმნილი.
ამიტომ, მინიმუმ სავიზო რეჟიმის შემოღებაა საჭირო რუსეთთან“,- წერს ბატიაშვილი.
ასევე დაგაინტერესებთ:
