სოციალური ქსელის მომხმარებელი ზურა ბაუჟაძე სამეგრელოში გადამხდარ ამბავს ჰყვება. მისი თქმით, მიკროავტობუსით მას ყაზახი და ლატვიელი ტურისტები გადაჰყავდა, რა დროსაც უცნობმა გოგომ მანქანაში თავი შეყო და „რუსკიე იდიტე ნახ@@ი, მოგიტ@@ნთ კეთილები“ დაიძახა.
„ტურისტების ჯგუფი მიმყავს სამეგრელოში ახლა, ამ წუთს. ყაზახები და ლატვიელები არიან. რამდენიმე სტუმარი ურეკში სასტუმრო „მაგნეტიკ რეზორტიდან" უნდა ამეყვანა.
მიკროავტობუსი სასტუმროს წინ გავაჩერეთ, კარები ღია იყო. შემოყო ვიღაც გოგომ თავი, დაიღრიალა „რუსკიე იდიტე ნახ@@ი, მოგიტ@@ნთ კეთილებიო“ და გასწორებულმა ცეკვა დაიწყო.
არ ავყევი. არ მსურდა არასასიამოვნო სცენები.
მძღოლმა მანქანა მოაბრუნა და დავიძარით. მანქანას მოაფურთხა და ხარხარებდა.
ხვდებით ალბათ, რომ მსგავსი საქციელები გახშირდება. უფრო მძიმე შემთხვევებიც იქნება.
როგორ უნდა მოგვარდეს ეს საკითხი?“, - წერს ზურა ბაუჟაძე.
ასევე დაგაინტერესებთ:
🔵„თუ ვინმეს სადმე შეგხვდათ ან თვალი მოჰკარით, გთხოვთ, დამიკავშირდეთ“ - კასპში 27 წლის ბიჭს ეძებენ
