ასტროლოგი, ფსიქოლოგი და რამდენიმე წიგნის ავტორი რამაზ გიგაური, სოციალურ ქსელში სხვადასხვა ასტროპროგნოზთან ერთად საზოგადოებას ხშირად უზიარებს სასარგებლო რჩევებს.
იგი ამჯერად ახალ პოსტს აქვეყნებს, სადაც უიმედობაზე წერს:
„წარმოიდგინეთ ადამიანი, რომელიც კარის წინ ზის და დაკარგულ გასაღებზე დარდობს.
უყურებს ამ მძიმე ბოქლომს, ნერვიულობს, გამოსავალს ეძებს და ამ დროს ყველაზე მთავარი ავიწყდება: უბრალოდ სახელური ჩამოწიოს და კარს მიაწვეს.
უნდა ვაღიაროთ, რომ ცხოვრებაში კარების უმეტესობა, რომლებთანაც ვდგავართ და ვიტანჯებით, საერთოდ არ არის ჩაკეტილი. ისინი უბრალოდ მიხურულია.
ჩვენი სტრესისა და შფოთვის 90% ხომ რეალური პრობლემიდან კი არა, იმის დაჯერებიდან მოდის, რომ თითქოს გამოსავალი არსად ჩანს. ფსიქოლოგები ამას „სტრატეგიულ სიბრმავეს“ ეძახიან. ეს ის მომენტია, როცა ჯიუტად მივჩერებივართ ერთ, ვითომ ჩაკეტილ წერტილს და საერთოდ ვეღარ ვამჩნევთ სხვა, ბევრად მარტივ გზებს.
ახალ სტატიაში შაბლონურ და ცარიელ პოზიტივზე არ გესაუბრებით. რეალურად დავშალოთ კრიზისი და ვნახოთ, როგორ მუშაობს ის ჩვენს სასარგებლოდ:
რას გვასწავლის იაპონური იეროგლიფი 峠 (ტოგე — უღელტეხილი) და როგორ გვეხმარება ის ურთულესი პერიოდების გადალახვაში.
როგორ ვაქციოთ ნებისმიერი პრობლემა ჩვენივე სიძლიერედ (სტოიკოსების მიდგომა).
და რაც მთავარია: კრიზისიდან გამოსვლის პრაქტიკული, 3 ნაბიჯიანი მეთოდი. ის გასწავლით, რა უნდა ქნათ მაშინ, როცა კარი მართლა მაგრად არის ჩარაზული (ან როგორ უნდა გადაძვრეთ ფანჯრიდან).
პრობლემა ჩვენს გასანადგურებლად არ მოდის, ის მოქმედებისკენ გვიბიძგებს. დროა, შევწყვიტოთ არარსებულ ბოქლომებთან ბრძოლა“, - წერს რამაზ გიგაური.
⭕ ასევე დაგაინტერესებთ:
⭕ „უმშვენიერესო“ - ევა ბარბაქაძე ახალ კადრებს გვიზიარებს
⭕ მოცეკვავე სალომე ჭაჭუა დედა გახდა - „მადლობა უფალო ამ უსაზღვრო სიყვარულისთვის“
🎥 „შეიძლება ჩვენ თვითონ გავხადოთ პარტნიორი მანიპულატორი“ - როგორ ამოვიცნოთ ასეთი ადამიანი?
