ქართველი მუსიკოსის, ვოკალისტის, პედაგოგის რობერტ ბარძიმაშვილის მეუღლე ვანდა ბარძიმაშვილი გარდაიცვალა.
სამწუხარო ინფორმაციას სოციალურ ქსელში დაღუპული მომღერლის ლევან კბილაშვილის დედა მელიტა ფურცელაძე ეხმაურება:
„დღეს წავიდა ქალბატონი ვანდა თავის მეუღლესთან, ბატონ რობერტ ბარძიმაშვილთან.
წავიდა ჩემი ლევანიკოსგან, ძალიან გულდაწყვეტილი და გულდამძიმებული ადამიანი, რომელსაც ერთი დღეც არ დავიწყებია ჩემი შვილი.
წავიდა ძალიან სათნო და კეთილი ქალბატონი, რომელმაც ბატონი რობერტის გარდაცვალების შემდეგ ღირსეულად გააგრძელა მისი დაწყებული საქმე და უამრავი თაობა გაუზარდა ქართულ ესტრადას და საქართველოს, სწორ და მართალ გზაზე დააყენა ბევრი ახალგაზრდა, შეაყვარა ქართული სიმღერა და დღემდე ამ საქმეს აგრძელებდა ქალბატონ ნანა გოგიშვილთან ერთად.
მარტო ანსამბლ „ბარძიმის” ბიჭების ურთიერთობა და მეგობრობა რად ღირს, ამაში ხომ ქალბატონი ვანდას დიდი დამსახურებაა.
22 წელი გავიდა ბატონი რობერტის გარდაცვალებიდან და ამ წლების მანძილზე არ ყოფილა შემთხვევა ბიჭებთან ურთიერთობის გარეშე, რა თქმა უნდა ლევანიკოსთან ერთად.
დიდი მადლობა ქალბატონო ვანდა. ყველას მაგიერ მე გიხდით მადლობას, უფალმა დაგიმკვიდროთ მარადიული სასუფეველი. ნათელში იყავით, ვალმოხდილი მიბრძანდებით“, - წერს მელიტა ფურცელაძე.
ასევე დაგაინტერესებთ:
⭕ქვემო ქართლში ქმარმა ცოლი მოკლა - ბრალდებული ცხელ კვალზე დააკავეს
⭕ნატალია ქუთათელაძე ოჯახურ ფოტოებს აქვეყნებს - მეცო-სოპრანო ზღვისპირეთში ისვენებს
