ცნობილია, სად და როდის დაკრძალავენ მეუფე სერაფიმე ჯოჯუას - „ვუსამძიმრებთ ყველას, ვისთვისაც ძვირფასია მეუფის ხსოვნა“

„დიდი მწუხარებით ვიუწყებით, რომ გუშინ, გვიან ღამით, 64 წლის ასაკში მოულოდნელად გარდაიცვალა მიტროპოლიტი სერაფიმე (ჯოჯუა) და ვუსამძიმრებთ ყველას, ვისთვისაც ძვირფასია მეუფის ხსოვნა.

მისი ცხედარი დღეს, 5 ნოემბერს, დასვენდება სიონის საკათედრო ტაძარში და სამი დღის მანძილზე გადახდილ იქნება პანაშვიდები, წირვები კი დაიწყება 9:00 საათზე.

გამოსვენება შედგება შაბათს, 14:00 საათზე, დაკრძალვა კი, - ქოშიგორას მონასტერში, იქ, სადაც მეუფე სერაფიმე ბოლო დროს მოღვაწეობდა“, - წერია სამძიმრის წერილში. 

ცნობისთვის, მიტროპოლიტი სერაფიმე დაიბადა 1961 წლის 15 თებერვალს ქალაქ სოხუმში. საშუალო სკოლის დამთავრების შემდეგ სწავლა განაგრძო თბილისის სამხატვრო აკადემიის არქიტექტურის ფაკულტეტზე.

1991-1992 წლებში თამაზ ჯოჯუა იმყოფებოდა მარტყოფის მამათა მონასტერში მორჩილებაში. 1992 წლის 28 აგვისტოს ყოვლადწმინდა ღვთისმშობლის დღესასწაულზე ცხუმ-აფხაზეთის ეპისკოპოსმა დანიელმა (დათუაშვილი) მორჩილი აკაკი ვარძიაში ბერად აღკვეცა და წმინდა სერაფიმ საროველის პატივსაცემად უწოდა სახელი სერაფიმე და დაადგინა ფოკას მამათა მონასტრის წინამძღვრად, ოქტომბრის თვეში ფოკას მონასტერში აკურთხა ბერ-დიაკვნად.

1992 წლის 26 ნოემბერს, სრულიად საქართველოს კათოლიკოს-პატრიარქმა ილია მეორემ ბერ-დიაკონი სერაფიმე სიონის საპატრიარქო ტაძარში მღვდელ-მონაზვნად აკურთხა.

2002 წლის 17 ნოემბრამდე მეუფე სერაფიმე ხელმძღვანელობდა ბორჯომისა და ახალქალაქის ეპარქიას, ხოლო ამის შემდეგ ბორჯომისა და ბაკურიანის ეპარქიას.

 აგრეთვე დაგაინტერესებთ:

⭕„როცა სული უნდა გათავისუფლდეს ძველი პროგრამებიდან, ცხოვრება გაგაშიშვლებს მატერიალურად რომ დაინახო, საიდან იწყება ნამდვილი ბარაქა“ - რას წერს ქეთევან ჯანდიერი

⭕„შეცვალეთ თქვენი დამოკიდებულება წარუმატებლობის მიმართ -„ყველაფერი ან არაფერი“ მენტალიტეტი გრძელვადიანი წარმატების მთავარი მტერია“ - ნატა გაგუა

⭕„გარდაცვლილი მეგობრის დედა რომ გირეკავს: „მიშველე, მირტყამენო“, ჩახვალ, ადამიანური რეაქცია იყო“ - თაკო ჩარკვიანი ძმისშვილზე