ტელეწამყვანი და მოდელი გვანცა დარასელია 3 წელია, რაც ეკრანიდან გაუჩინარდა. ეს პერიოდი მან ოჯახსა და ოჯახურ ბიზნესს მოახმარა. ცოტა ხნის წინ კი გვანცამ ერთ-ერთ ინტერვიუში განაცხადა, რომ მისმა ოჯახმა პრაღაში რესტორანი გახსნა.
ამჯერად იგი „ფილიპ პომელის სახელობის ფრანგული ფსიქოთერაპიის ცენტრის“ პოდკასტის სტუმარი იყო, სადაც ბავშვებზე და ეკრანებთან დამოკიდებულებაზე ისაუბრა:
„ეს ასე არ არის, რომ მე მთელი დღე თავი წიგნებში მაქვს ჩარგული და ჩემი შვილები გაჯეტებში არიან. რასაც ვაკეთებთ ჩვენ, იმავეს იმეორებენ ბავშვები.
როგორც კი ვიტყვი, დასრულდა დრო, ყველანი ვდებთ ტელეფონებს, მეც ვდებ ტელეფონს! რაღაცით ერთად ვკავდებით.
უსამართლობა მგონია, რომ მე ვიჯდე და ვსქროლო, ბავშვებს კი ვუთხრა „ითამაშეთ, წაიკითხეთ“, - ამბობს გვანცა დარასელია.
ასევე დაგაინტერესებთ:
🎥 ნუცა ბუზალაძის ახალი სიმღერა All My Life გამოვიდა - „ახლა ის შენია“
