სოციალური ქსელის მომხმარებელი ერთ-ერთ მაღაზიაში გადამხდარ ისტორიაზე წერს, რა დროსაც მოლარესა და მომხმარებელს შორის პატარა დიალოგი შედგა. როგორც მისი პოსტიდან ირკვევა, ავტორს პროტესტი იმის გამო გაუჩნდა, რომ ინგლისურენოვან მომხმარებელს გამყიდველი რუსულ ენაზე ესაუბრა.
„მაღაზიაში სალაროს რიგში წინ მდგარმა ბიჭმა მოლარეს ჰკითხა: „ჰაუ მაჩ?” ამან რუსულად უპასუხა „დვა ლარი”.
უცებ ამასხა სისხლმა და ვკითხე: ინგლისურად გკითხა და რუსულად რატო პასუხობთ -მეთქი?
ამომხედა, 20 წლის გოგო იქნება, თვალთვალში გამიყარა და მპასუხობს: „მარტივია. იმიტომ რომ ინგლისური არ ვიცი”.
და ჩემ ჯინაზე, ხურდაც რუსულად ჩაუთვალა, მადლობა, ნახვამდის, კვლავ გვეწვიეთ ასევე თავისი ქართულ აქცენტიანი რუსულით მიაყოლა და თან მე მიყურებს გამარჯვებული სახით!
მეც საგანგებოდ და ხმამაღლა ვუთხარი მადლობა და დავემშვიდობე, მაგრამ როგორც მტერი, პასუხის ღირსად არ ჩავუგდივარ.
ის რუსი უფრო ნამუსიანი იყო. ინგლისურად ესაუბრა ბოლომდე. თბილისში მცხოვრებმა თინეიჯერმა ინგლისურად ხუთამდე თვლა არ იცის თუ დამოუკიდებლობას უთავმოყვარეოები არ იმსახურებენ?“, - წერს ირაკლი ვაჭარაძე.
ასევე დაგაინტერესებთ👇
