მოდელი, ტელეწამყვანი შორენა ბეგაშვილი, რომელიც ბოლო რამდენიმე წელია ხშირად მოგზაურობს და საქართველოში ძალიან ცოტა დროს ატარებს, ამჯერად სამშობლოშია. მის ცხოვრებაში დიდი სიახლეა. მოდელს 4-წლიანი თანაცხოვრების შემდეგ, რჩეულმა 14 თებერვალს ხელი სთხოვა.
შორენამ სოციალურ ქსელში გამომწერებს და იმ ადამიანებს, ვისაც მისი სიხარული გაუხარდა, მადლობა გადაუხადა და ვიდეომიმართვა გაავრცელა:
„ვკითხულობდი კომენტარებს, მინდა უდიდესი მადლობა გადაგიხადოთ ვინც მომილოცეთ, ვისაც გაგიხარდათ, ვინ მგულშემატკივრობთ მთელი ამ წლების განმავლობაში.
პოსტს აქვს 24 მილიონი ნახვა, 50 000 გადაგზავნა. გაუგებარი ამბავია, პატარა ტელევიზია მაქვს „ინსტაგრამზე“.
არიან ისეთი ადამიანები, ვისაც გაუხარდა კი არა, ვენები გადაიხსნეს! მე მესმის თქვენი, მაგრამ ძალიან მეზარება ამ ამბავზე რაიმეს თქმა“, - ამბობს შორენა ბეგაშვილი.
ცნობისთვის, ცნობილია შორენას რჩეულის ვინაობა. იგი ბიზნესმენ მამუკა ურუშაძეზეა შეყვარებული, რომელიც 67 წლის არის. გავრცელებული ინფორმაციით, ურუშაძე რამდენიმე ბიზნესშია ჩართული, მათ შორისაა ბინების მშენებლობა და ის ასევე ერთ-ერთი ძალიან ცნობილი ონლაინ ტოტალიზატორის წილის მფლობელია. შეგახსენებთ, რომ შორენა ბეგაშვილი 44 წლისაა. წყვილს შორის ასაკობრივი სხვაობა 23 წელია.
ასევე დაგაინტერესებთ:
🎥 „წარმატებები, დაუღალავად შრომობ, ყოჩაღ“ - თამო ვაშალომიძე მილანში მოგზაურობს
