მოდელი და ტელეწამყვანი მანიკა ასათიანი სოციალურ ქსელში სამების საკათედრო ტაძრისკენ მიმავალი გზიდან ფოტოს აქვეყნებს და წერს:
„ამდენი ადამიანი ერთად, მაგრამ ხმამაღალი, უჩვეულო სიჩუმე! წვიმა, ზარების ხმა!
სევდა, რომელიც ყველას გვაერთიანებდა! ასეთი ერთიანობის განცდა არასდროს მქონია“
ვერ აღვწერ შეგრძნებას, მხოლოდ ფილმის კადრი მედგა თვალწინ“, - წერს მანიკა ასათიანი.
18 მარტი საქართველოში გლოვის დღედ გამოცხადდა სრულიად საქართველოს კათოლიკოს-პატრიარქის, ილია მეორის გარდაცვალების გამო.
ეს დღე ქვეყნისთვის დიდი დანაკლისის და ეროვნული სევდის სიმბოლოდ იქცა, რადგან ილია მეორე ათწლეულების განმავლობაში იყო სულიერი მამა, მორალური საყრდენი და ერთობის სიმბოლო ქართველი ერისთვის.
მისმა ღვაწლმა და მსახურებამ განსაკუთრებული კვალი დატოვა როგორც ეკლესიაში, ისე საზოგადოებრივ ცხოვრებაში. გლოვის დღეს პატივს მიაგებენ მის ნათელ ხსოვნას, გაიხსენებენ მის ქადაგებებს, სიკეთესა და სიყვარულზე დაფუძნებულ გზავნილებს, რომლებიც თაობებს აერთიანებდა.
საქართველოს მთავრობის განკარგულებით, ქვეყნის მასშტაბით ადმინისტრაციულ შენობებზე სახელმწიფო დროშები დაშვებულია.
ცნობისთვის, საქართველოს კათოლიკოს-პატრიარქი ილია მეორე 2026 წლის 17 მარტს, 93 წლის ასაკში გარდაიცვალა.
⭕ ასევე დაგაინტერესებთ:
