ნიკა გვარამიას ყველა ჩვენგანი იცნობს. მის სახელს არაერთი ხმაურიანი საქმე, თუ სკანდალი უკავშირდება.
ის მუდმივად ახერხებს იყოს საზოგადოების ყურადღების ცენტრში.
ამ სტატიაში „დაიჯესტმა“ ნიკა გვარამიას შესახებ გავრცელებული მნიშვნელოვანი სკანდალები და პირად ამბები შეკრიბა.
ვინ არის ნიკა გვარამია?
ქართველი იურისტი, პოლიტიკოსი და ბიზნესმენი. 2007 წლის მარტში დაინიშნა საქართველოს გენერალური პროკურორის მოადგილედ. 2008 წლის 31 იანვრიდან 2008 წლის 27 ოქტომბრამდე იყო საქართველოს იუსტიციის მინისტრი. 2008 წლის 27 ოქტომბრიდან 2009 წლის 7 დეკემბრამდე იყო საქართველოს განათლებისა და მეცნიერების მინისტრი და ასევე კლუბის „რა? სად? როდის?“ მოაზროვნე. 2012 წლის 14 ნოემბრიდან 2019 წლის 18 ივლისამდე სამაუწყებლო კომპანია „რუსთავი 2“-ის გენერალური დირექტორი. „მთავარი არხის“ დამფუძნებელი და მეწილე. 2022 წლის 16 მაისს გვარამიას 3,5 წლიანი თავისუფლების აღკვეთა მიესაჯა. მას ბრალად ედებოდა წინასწარი შეთანხმებით ჯგუფის მიერ, „რუსთავი 2“-ის კუთვნილი ქონებრივი უფლების დიდი ოდენობით გაფლანგვა, კომერციული მოსყიდვა, ყალბი ოფიციალური დოკუმენტის დამზადება და უკანონო შემოსავლის ლეგალიზაცია. მას ასევე ბრალი ედებოდა სამსახურებრივი უფლებამოსილების ბოროტად გამოყენებაში. გვარამიას აღკვეთის ღონისძიების სახით 40 000-ლარიანი გირაო ჰქონდა შეფარდებული. ამასთან, მას ქვეყნიდან გასვლის უფლება ჰქონდა შეზღუდული.
ნიკა გვარამიას ამბავი სიყვარულისა
გვარამიას ხელფასზე და ქონებაზე დიდი ლეგენდები დადის, თუმცა როგორც თავად „სარკესთან“ ინტერვიუში აღნიშნავს საკუთარი სახლიც არ აქვს და ნაქირავებში ცხოვრობს.
„ახლა ყველაზე დაბალი ხელფასი მაქვს, რაც კერძო სექტორში მუშაობისას მქონია. გეთანხმებით, საქართველოს მასშტაბით დიდი ხელფასია 20 ათასი დოლარი, მაგრამ ეს იმას არ ნიშნავს, რომ ჩემი მასშტაბია პატარა. კერძო სახლის ყიდვას ნამდვილად არ ჰყოფნის ვერც ეს ხელფასი.
ახლა საერთოდ არ მაქვს სახლი. კრედიტში მაქვს ჩადებული სახლი, რომელიც ვერ დავასრულე, რადგან რემონტისთვის სახსრები არ მეყო. ამჟამად თეთრი კარკასია. ვფიქრობ, გავყიდო და ცოტა უფრო პატარა ვიყიდო, რადგან ვერ გავწვდი. თან ცოტანი არ ვართ, სამი შვილი მყავს და შესაბამისად, მინდა, ყველას თავისი საძინებელი ჰქონდეს.
კერძო სახლში ვარ გაზრდილი და მიყვარს. შერჩეულიც მქონდა ერთი სახლი, მაგრამ ვერ გავწვდი, გაიყიდა და ძალიან დამწყდა გული. ეზო ჩემი სოხუმის სახლისას ჰგავდა.
მე ყველაფერი ნულიდან დავიწყე, ჩემთვის არავის არაფერი დაუტოვებია. ისე მოხდა, რომ დედამ და მამამ რაც შექმნეს, სოხუმში დატოვეს.
პირველად რომ სახლი ვიყიდე, უკვე 30 წელს ვიყავი გადაცილებული. მანამდე ვაკეში, სტუდქალაქში ვცხოვრობდით და მერე – ნაქირავებში. ახლაც ნაქირავებში ვცხოვრობ. სალაპარაკო გახდა, თორემ ჩემი ხელფასი ლეგენდარული სულაც არ არის“, - ამბობს ნიკა გვარამია.
„რუსთავი 2“-დან წამოსული ნიკა გვარამია
2017 წლის ყველაზე განხილვადი თემების რეიტინგში მოხვდა ასევე "რუსთავი 2"-ის წილების გადაცემის საკითხი, რის გამოც თანამშრომლების ნაწილი ნიკა გვარამიას ღიად დაუპირისპირდა.
23 მარტს, ტელეკომპანია "რუსთავი 2"-ის მფლობელებმა ძმებმა ყარამანიშვილებმა განცხადება გაავრცელეს, რომელშიც ყარამანიშვილები ტელევიზიის თანამშრომლებს კომპანიის 40%-იან წილის გადაცემას სთავაზობდნენ. მოგვიანებით, "რუსთავი 2"-ის გენერალურმა დირექტორმა ნიკა გვარამიამ არხის დამფუძნებლების შეთავაზებაზე უარი განაცხადა და თქვა, რომ 40%-იანი წილის დათმობა საქმის ვითარებას არსებიტად არ ცვლიდა, რადგან გადამწყვეტი ხმის უფლება ისევ ტელეკომპანია "საქართველოს" დარჩებოდა. 24 მარტს, ძმებმა ყარამანიშვილებმა ახალი განცხადება გაავრცელეს, რომლის თანახმადაც, ისინი მზად იყვნენ მიეცათ "რუსთავი 2"-ის წილის საკონტროლო პაკეტი ტელევიზიის თანამშრომლებისთვის. ამ ინიციატივაზე, ნიკა გვარამიამ ახალი მოთხოვნა წამოაყენა, რაც შუამავალი შპს-ს შექმნას გულისხმობდა, რომელშიც არხის 20-დან 50-მდე თანამშრომელი შევიდოდა. ისინი გადაცემულ წილებზე იქნებოდნენ პასუხისმგებელნი.
აღნიშნულ საკითხთან დაკავშირებით "რუსთავი 2"-ში შიდა თათბირი ჩატარდა, სადაც გადაწყდა, რომ ტელეკომპანიის ყველა დეპარტამენტიდან აირჩეოდა წარმომადგენელი აღნიშნულ შეზღუდული პასუხისმგებლობის საზოგადოებაში. შიდა თათბირის კადრები ეთერში გავიდა. როგორც მალევე აღმოჩნდა, შეხვედრაში მონაწილე ბევრმა თანამშრომელმა, არ იცოდა იმის შესახებ, რომ შეხვედრა ტელეეთერით გადაიცემოდა. ამას არხის ჟურნალისტების და ტელეწამყვანების ნაწილის მწვავე და კრიტიკული გამოხმაურებები მოჰყვა. უკმაყოფილოთა შორის იყვნენ არხის პოპულარული სახეები, რომლებიც ფეისბუქის პოსტებში ფაქტობრივად, ღიად დაუპირისპირდნენ ნიკა გვარამიას.
ჟურნალისტების კრიტიკულ პოსტს ფეისბუქის პოსტითვე უპასუხა ტელეკომპანიის გენერალურმა დირექტორმა ნიკა გვარამიამ.
ცემა
2020 წელს თბილისის საქალაქო სასამართლოსთან ნიკა გვარამიასა და უცნობ პირებს შორის ინციდენტი მოხდა. ტელეკომპანია მთავარი არხის დამფუძნებელი აცხადებს, რომ უცნობი პირები თავს დაესხნენ და ცხვირისა და თვალის არეში მიიღო დაზიანება.
მედიის მიერ გავრცელებულ კადრებში ჩანს, რომ მანდატურის სამსახურმა და პატრულმა სამი პირი ტერიტორიიდან განარიდა, თუმცა მათ ხელბორკილები არ ედოთ.
ხმაურიანი დაპირისპირებები
ცნობილი ადამიანების დაპირისპირება არც თუ ისე გასაკვირი მოვლენაა ჩვენი რეალობისთვის, გამონაკლისი არც ნიკა გვარამიაა.
ტელეწამყვანს უამრავ ადამიანთან ჰქონდა დაპირისპირება, რამდენიმე მათგანი წლების წინ დაიწყო და დღემდე გრძელდება.
გთავაზობთ რამდენიმე მნიშვნელოვან ამბავს👇
🔵ნიკა გვარამია ტორესა მოსს და ლაშა ბუღაძეს დაუპირისპირდა
🔵ნიკა გვარამია და ვახო სანაია
მედიის საკითხებზე გამართულ შეხვედრაზე “რუსთავი 2”-ის გენერალური დირექტორი ნიკა გვარამია და “ტვ პირველის” ჟურნალისტი ვახო სანაია ერთმანეთს სიტყვიერად დაუპირისპირდნენ.
ნიკა გვარმია “ტვ პირველის” ჟურნალისტებისგან და წარმოამდგენლებისგან ითხოვდა ინოფრმაციას, იყო თუ არა მფლობელზე ზეწოლა, ფიგურირებდა თუ არა ქუმსიშვილისა და ჯეჯელავას გვარები.
„რა კონტექსტში ითქვა, რომ გადაჭარბება ახასიათებს “ტვ პირველს”, რას ნიშნავს სიგნალები, ვისგან იყო ეს სიგნალები, იყო თუ არა მფლობელზე ზეწოლა, ფიგურირებდა თუ არა ქუმსიშვილისა და ჯეჯელავას გვარები. ეს გვაინტერესებს და არა ის კუთხეებშემოთლილი ტექსტი, რომელიც თქვენ ბრძანეთ. წლის მოვლენა არის არა საზოგადოებრივი მაუწყებელი, რომელსაც არაფერი არ ეშველება, არამედ ის, თუ რა ხდება “ტვ პირველზე”, – მიმართა ნიკა გვარამიამ “ტვ პირველის” ჟურნალისტებს.
ვახო სანაიამ კი გვარამიას დაკონკრეტება სთხოვა თუ კონკრეტულად რაში ხედავდა ის დანაშაულის ნიშნებს.
🔵ნიკა გვარამია და ლაშა ტალახაძე
ნიკა გვარამიამ ძალოსანი ლაშა ტალახაძე სალომე ზურაბიშვილის სარეკლამო ვიდეორგოლში მონაწილეობის გამო გააკრიტიკა და მას “არარაობა” უწოდა.
“გული მწყდება მსოფლიო რეკორდსმენზე, ლაშა ტალახაძეზე, რომელიც დასრულებულია ჩემთვის ამ კლიპის შემდეგ. მამაჩემიც რომ ყოფილიყო, ისიც დასრულდებოდა. აღარც მისი რეკორდები მაინტერესებს, აღარც მისი სპორტში წარმატებები. არც წარმატებას ვუსურვებ, აღარ არსებობს ის ჩემთვის. აბსოლუტურად ნულოვანია ჩემთვის, პირადად, ნიკა გვარამიასთვის.
ჯერ სამშობლო, ჯერ პატრიოტიზმი და მერე სპორტი და მიღწევები. ლაშა ტალახაძეს იმიტომ კი არ ვგულშემატკივრობ, რომ ლაშა ტალახაძეა და ვინმეა, იმიტომ, რომ ქართველია და ჩვენი სამშობლო უნდა ესახელებინა. ამის მერე, რატომ უნდა ვუგულშემატკივრო და ვინ არის საერთოდ ჩემთვის? არავინ, არარაობა. არასოდეს არ ვუგულშემატკივრებ, პირობას ვდებ და არც წარმატებას არ ვუსურვებ. ძალიან მოხარული ვიქნები, თუ მის ადგილზე სხვა უფრო ნიჭიერი სპორტსმენი აღიზრდება და იგი აღარ წარმოადგენს საქართველოს საერთაშორისო პაექრობებში”, – განაცხადა გვარამიამ.
🔘აგრეთვე წაიკითხეთ:
🔵ტრაგედია ნიჟარაძეების ოჯახში და სკანდალებით მოცული სოფო ნიჟარაძის პირადი
🔵სასამართლო პროცესი, მარინა ბერიძის მუქარა - ნინო ჩხეიძის 6 სკანდალი
