🎬 ნინი ბადურაშვილი ფილმის პრემიერის ემოციებზე: „ასე არასოდეს მინერვიულია არაფერზე“

„საინტერესოდ საყურებელია. შეიძლება, ერეკლე რომ ყოფილიყო, სხვანაირად დაესრულებინა ან გადაეღო, მაგრამ მე საბოლოო შედეგით კმაყოფილი ვარ.

ფილმის ისტორიაც საინტერესოა, რადგან დაფუძნებულია ნამდვილ ამბავზე.

ეს ჩემთვის დიდი პასუხისმგებლობა იყო. ამდენი ხანია ამ სფეროში ვარ და ასე არასოდეს მინერვიულია არაფერზე. დიდი პასუხისმგებლობა დამეკისრა მე, რომ გამოსულიყო ეს ფილმი, არ გაჩერებულიყო და ხალხს ენახა. ბოლომდე ვიყავი ჩართული ფილმში, მათ შორის მონტაჟშიც კი. რაც შევძელით, ეს იყო და მიხარია, რომ ფილმი შედგა და გამოვიდა“, – ამბობს „დაიჯესტთან“ ნინი ბადურაშვილი.

მომღერალმა ის ტრაგიკული მომენტებიც გაიხსენა, რაც ფილმის გადაღების პროცესს ახლდა.

„ფილმი რთულად გადასაღები იყო, რადგან, გარდა სიხარულისა, მას ახლდა ბევრი რთული მომენტი. ძალიან გაიწელა ფილმის გადაღების პროცესი, რადგან ერეკლე შუა ფილმის გადაღების დროს გარდაიცვალა და ვერ შეძლო ფილმის დასრულება. ფილმში მონაწილე მსახიობების გარკვეული ნაწილი ვერ მოესწრო ფილმის გადაღებას, მათ შორის – მთავარი ოპერატორიც კი.

საბოლოოდ გადაღების პროცესი სხვა რეჟისორებმა, გიორგი ხარებავამ და გიორგი თავართქილაძემ დაასრულეს.

ასევე დაფინანსებაზეც იყო პრობლემები, თუმცა დასრულდა და ფილმი შედგა. ამისთვის დიდი მადლობა მინდა ვუთხრა „ქართული ფილმის“ წარმომადგენლებს, ყველას, ვისაც წვლილი მიუძღვით, ხათუნა ხუნდაძეს, რომელიც თავიდანვე ჩართული იყო ამ ყველაფერში, დავით ევგენიძეს, რომელიც ფილმის კომპოზიტორია და ეს ერეკლეს დიდი სურვილი იყო, ასევე ნინელი ფუტკარაძეს, რომელიც პროდიუსერი იყო ფილმის“,- ამბობს ნინი ბადურაშვილი.

.

⭕ ასევე დაგაინტერესებთ:

🎥 ანრი ჯოხაძემ ახალ კლიპში „თბილისი-ბათუმი“ ხელოვნური ინტელექტი გამოიყენა - „როცა ადამიანის ინტელექტი, ხელოვნურ ინტელექტს იდეალურად ერწყმის!“

„ჩემი მოთხოვნაა უვადო პატიმრობა..ბოლოს ლუკას ტელეფონი არ ჰქონდა, „ფეისბუკიც“ თეკლას ხელში იყო, აკონტროლებდა მიმოწერას“ - ინტერვიუ მოკლული ბიჭის დედასთან

🎥 „ფრთხილად იყავით ირგვლივ მყოფ ადამიანებთან...“ - მიმდინარე კვირის ასტროპროგნოზი მიხეილ ცაგარელისგან