უკვე წლებია, რუსეთის პრეზიდენტის ვლადიმერ პუტინის მიმართ ინტერესი არ წყდება, განსაკუთრებით კი ახლა, როდესაც რუსეთ-უკრაინის ომი მიმდინარეობს და პუტინი, ამ ომის ერთ-ერთი ლიდერია.
ასევე დიდია მედიისა და საზოგადოების ინტერესი პუტინის შვილების მიმართ, თავად ვლადიმერ პუტინი შეკითხვებს პირადი ცხოვრებისა და ოჯახის შესახებ, ყოველთვის გაურბის.
2015 წელს სააგენტო „როიტერმა“ გამოაქვეყნა ვრცელი სტატია, რომელიც პუტინის ქალიშვილებს ეძღვნებოდა, სადაც აღნიშნულია, რომ პუტინი საჯაროდ ქალიშვილებთან ერთად არასდროს გამოჩენილა.
ყველაზე ხშირად ინფორმაცია მის 2 ქალიშვილზე - ეკატერინასა და მარიაზე ვრცელდება, თუმცა პუტინს მათი რეალური ვინაობა არასდროს დაუდასტურებია. მედიის ცნობით, ორივე რუსეთის პირველი პირისა და მისი ყოფილი ცოლის, ლუდმილა პუტინას ქალიშვილები არიან.
მარია 1985 წელს სანკტ-პეტერბურგში დაიბადა, ხოლო ეკატერინა გერმანიაში 1986 წელს. არსებული ინფორმაციით, გოგონები მოსკოვში გერმანულ სკოლაში სწავლობდნენ, თუმცა რაც პუტინი რუსეთის პრეზიდენტი გახდა, ორივემ დატოვა სკოლა და განათლებას სახლში იღებდნენ. აღსანიშნავია, რომ ორივე სხვადასხვა დროს სხვადასხვა გვარებით ფიქსირდებოდნენ.
„აქამდე არასდროს მინახავს კატიასა და მაშასნაირი ბავშვები, ისინი ისე იქცევიან, თითქოს ძალიან მორცხვები არიან... მაგრამ არავითარ შემთხვევაში! მათ იციან საკუთარი თავის ფასი, ისინი ერთმანეთს აფასებენ და ცდილობენ საკუთარი თავი სხვის ადგილას წარმოიდგინონ“, - განაცხადა ერთ-ერთ ინტერვიუში რუსეთის პრეზიდენტის ყოფილი მეუღლის ლუდმილა პუტინას გერმანელმა მეგობარმა, ირენა პიტჩმა.
2014 წელს სააგენტო ТАСС-სთან ინტერვიუში, რუსეთის პრეზიდენტმა განაცხადა, რომ მისი ქალიშვილები მოსკოვში ცხოვრობენ.
„ერთმანეთს სახლში ვხდებით. ქალიშვილებს თვეში ერთი-ორჯერ ვნახულობ. ვფიქრობ, მათთვის უფრო მეტი დრო უნდა გამოვნახო“.
რუსული გამოცემები წერენ, რომ პრეზიდენტის უფროსი ქალიშვილი ჰოლანდიაში ცხოვრობდა, თუმცა ამჟამად მოსკოვის მდიდრულ უბანში დასახლდა. ის დაქორწინებულია ჰოლანდიელ კაცზე და მათ ერთი საერთო შვილი ჰყავთ. 2017 წელს, მედიაში გაჟონა ინფორმაციამ, რომ წყვილმა 3 მილიონ დოლარად შეფასებული პენტჰაუსი გაყიდა.
რაც შეეხება მარიას განათლებას, ის სანკტ-პეტერბურგის უნივერსიტეტში, ბიოლოგიის ფაკულტეტზე სწავლობდა. როგორც საერთაშორისო მედია წერს, მარია აქტიურად არის ჩართული სამედიცინო-სამეცნიერო საქმიანობაში.
ბოლო წლებში, მედიაში გამოჩნდა ცნობები, რომ ვლადიმერ პუტინს კიდევ ჰყავს შვილები, რომელთა დედაც რუსი ტანმოვარჯიშე, ალინა კაბაევაა. კაბაევას მედია ხან პუტინის მეგობარ გოგონად, ხან საცოლედ და ზოგჯერ ცოლადაც მოიხსენიებს, თუმცა თავად რუსეთის პრეზიდენტს არც კაბაევასთან ურთიერთობა და არც მასთან საერთო შვილის ყოლა არ დაუდასტურებია.
ეს არის ის ინფორმაცია, რაც ვიცით ვლადიმერ პუტინის შვილებზე, თუმცა კიდევ სად ჰყავს შვილები, ვისგან ან რამდენი, ჯერჯერობით უცნობია.
ასევე დაგაინტერესებთ:
🔵VIDEO: როგორ იწყებს დილას 4 შვილის დედა თაკო ტაბატაძე
🔵„ნუ ვეძებთ მიზეზებს იქ, სადაც საძებარი არ არის... ახლა არ არის კინკლაობის დრო“ - ჯემალ ბაღაშვილი
🔵რა ელოდება პუტინს ნოსტრადამუსის წინასწარმეტყველებით? - ამბავი უკანასკნელი იმპერიის მმართველზე
