ზუკა ხუციშვილი 25 ივნისს მამა გახდა. მას ვაჟი შეეძინა, რომელსაც გიო დაარქვა. როგორც ზუკა ჟურნალ „სარკესთან“ ამბობს ამ სახელის გარდა, სხვა არც განიხილებოდა.
„რომ გავიგეთ, ბიჭი დაიბადებოდა, ყველამ უთქმელად, თითქმის შეთანხმებულად ჩავთვალეთ, რომ მისი სახელი გიო იქნებოდა…“, - ამბობს ზუკა ხუციშვილი.
როგორც მომღერალი ჰყვება, იგი შვილის დაბადებას დაესწრო.
„ეს ჩემი გადაწყვეტილება იყო და მინდოდა, ყველაზე რთულ მომენტში მეუღლის გვერდით ვყოფილიყავი. ჩემთვის მეორეხარისხოვანი იყო, მთელი ეს სამედიცინო პროცესი რთულად აღსაქმელი იქნებოდა თუ არა. მთავარი იყო, ჩემი მეუღლე ყოფილიყო ჯანმრთელად და კარგად. მე მისი ხელი მეჭირა და შეიძლება ითქვას, ერთმანეთს ვამხნევებდით…
სანამ ხელში არ დაიჭერ, მანამდე ძნელია, წარმოიდგინო, ეს რა ემოციებია. შვილი დაუჯერებელი ბედნიერებაა…
რაც სახლში გამოვიყვანეთ, ღამე არ გვიძინია. ყოველი მისი მოძრაობა, გადაბრუნება ჩვენთვის სიფხიზლის მიზეზია. რამე ხომ არ აწუხებს ან რამეში ხომ არ ვჭირდებით. მოკლედ, ჯერჯერობით, უფრო ვღელავთ, ვიდრე ბედნიერებით ვტკბებით… მივხვდი, რა არის ნამდვილი სიყვარული…
ყველაფერს ისე გავაკეთებ, როგორც მამაჩემი მიკეთებდა. მთელი ცხოვრება მადლიერი ვიქნები გიოსი, თუ როგორ გამზარდა. იმის ნახევარი თუ მაინც გავაკეთე, რაც გიომ გააკეთა ჩემთვის, ბედნიერი ვიქნები…“ - ამბობს ზუკა ხუციშვილი.
⭕ ასევე დაგაინტერესებთ:
