კომპანია Tesla-მ ახალი ელექტრომობილი Roadster წარადგინა, რომელსაც SpaceX-ის ტექნოლოგიაზე დაფუძნებული ძრავების დახმარებით ჰაერში მოძრაობა და მანევრირება შეუძლია.
15 ოქტომბერს გამართულ პრეზენტაციაზე Roadster-მა მრუდე პანდუსზე თავდაყირა გაიარა, ჰაერში გადატრიალდა და მიწაზე უსაფრთხოდ დაეშვა.
ამასთან, პირდაპირ ეთერში გადაცემულ ღონისძიებაზე ავტომობილმა სხვა მანქანებსაც გადაუფრინა და ჰაერში ე.წ. kickflip შეასრულა.
Tesla-ს ვიცეპრეზიდენტ ლარს მორავის თქმით, ავტომობილის ქვედა ნაწილში დამონტაჟებული ვენტილატორების სისტემა 2G-მდე შემწოვ ძალას ქმნის და Roadster-ს თავდაყირა გადაადგილების შესაძლებლობას აძლევს.
„მას სიმაღლის საკონტროლო და უკანა ნაწილში მთავარი გამწევი ძრავები აქვს, ამიტომ, არსებითად, რაკეტასავით ფრენა შეუძლია“, – თქვა ილონ მასკმა.
მანვე აღნიშნა, რომ ავტომობილს ჰაერში ბრუნვა და სხვა რთული მანევრების შესრულებაც შეუძლია, თუმცა, ის „უსაფრთხოებაზე მორგებული მანქანა არ არის“.
კომპანია Tesla მოდელ Roadster-ის სამი ვერსიის – Performance-ის, Thrust-ისა და Rocket-ის – წინასწარ დაჯავშნა უკვე დაიწყო. Rocket-ის ვერსია მხოლოდ სპეციალური მოწვევით იქნება ხელმისაწვდომი და ის საჯარო გზებზე გამოყენებისთვის დამტკიცებული არ არის.
Tesla-ს მონაცემებით, Rocket-ის მაქსიმალური სიჩქარე საათში 230 მილს – დაახლოებით 370 კილომეტრს – აღემატება, ერთი დამუხტვით კი ავტომობილს 300 მილზე მეტის გავლა შეეძლება.
კომპანიის მიხედვით, ახალი Roadster-ის წარმოების დაწყება 2028 წელს იგეგმება.
ასევე დაგაინტერესებთ:
