ყველასათვის სასურველი სასიძოს ლაშა ბექაური გული დაკავებულია.
ორგზის ოლიმპიური ჩემპიონი წარმატებული კარიერის ფონზე, არც პირად ცხოვრებას დებს გვერდით.
პანდემიის გამო 2020 წელს გამართულ ტოკიოს ოლიმპიადაზე ლაშა ბექაურის ოლიმპიური ოქრო მართლაც მოულოდნელი და ერთგვარი სენსაცია იყო. ბიჭი, რომლის ოლიმპიადაზე მონაწილეობა ტრავმის გამო შეზღუდული იყო, ჩემპიონი გახდა.
2024 წლის 31 ივლისს კი უკვე მეორედ შეძლო ოლიმპიური ოქროს მოპოვება და 24 წლის ახალგაზრდა ორგზის ოლიმპიური ჩემპიონი გახდა. მან ფინალში იაპონელი საშირო მურაო დაამარცხა.
აღნიშნულ შეხვედრაზე მედიის ყურადღება მიიპყრო ლაშა ბექაურის რჩეულმა, რომელიც საყვარელი მამაკაცის წარმატებას ემოციურად შეხვდა.
პირველი ტრიუმფის დროს, ბექაური თავისუფალი იყო. მაშინ ბევრს აინტერესებდა, ვინ გახდებოდა ოქროსმედალოსანის რჩეული და როგორც ჩანს, მისი გულის მოგება მარიამ კეკუამ შეძლო და მათი ურთიერთობა სერიოზულ ეტაპზეა.
ბექაური პირადი ცხოვრების შესახებ არც საუბრობს.
რაც შეეხება მის რჩეულს, მარიამ კეკუა სამოდელო საქმიანობით არის დაკავებული და ბექაურზე რამდენიმე წლის პატარაა.
დაათვალიერეთ მარიამ კეკუას ფოტოები 👇
ასევე დაგაინტერესებთ:
