ჯგუფ „მიქსტურას“ ვოკალისტი, მომღერალი მარიამ შენგელია საქართველოს „ევროვიზია 2025-ზე“ წარადგენს.
ამ გადაწყვეტილებას კი სოციალურ ქსელებში დიდი გამოხმაურება და განხილვა მოჰყვა.
ყველასათვის კარგად ნაცნობი რეპერი „მასტერი“, რომელიც youtube-ის არხზე გადაცემაში „ნათია ქოლუსის შოუ“ იყო სტუმრად აღნიშნულ თემის შესახებ ისაუბრა.
მისი თქმით, საზოგადოებამ არ დაიშურა მარიამის მიმართ კრიტიკა, რაც „მასტერის“ განმარტებით, მომღერლის კონკრეტულ ქმედებებს მოჰყვა.
„პირველ რიგში უნდა ვთქვა, ნიჭს რატომ ეხებით და ადამიანის პროფესიას. ეს გოგო როგორ აკრიტიკეს და ყველა პროფესორი როგორ გამოხვედით. კარგი ვოკალი აქვს ამ გოგოს და ამ თემას ვერ გაურბიან და იძახიან, კი აქვს კარგი ვოკალი, მაგრამ ევროვიზიისთვის არ არის ეს გოგოო. ასე ამბობენ ისეთი ადამიანები, რომლებსაც არ აქვს შეხება ამ ყველაფერთან, ყველამ დაიწყო ექსპერტობა.
ისე გადაუარეს ადამიანს, რომ აი, არ ვიცი... სიმღერას რაც შეეხება, მე არ მომწონს ევროვიზიის სიმღერები, თუმცა მარიამი ძალიან კარგად მღერის.
მას გადაუარეს იმიტომ, რომ პოლიტიკურ კონცერტებში მიიღო მონაწილეობა, ამიტომ არ შეიძლებოდა ამის გაშვება და ეს იყო ჩაწყობილიო“, - ამბობს რეპერი.
⭕ ასევე დაგაინტერესებთ:
🎥 „მე ვარ ერთადერთი ქართველი რეპერი, რომელსაც უსმენენ“ - რას ჰყვება „მასტერი“
