კაცი, რომელმაც „ვეფხისტყაოსანი“ დოლზე ააჟღერა - გაიცანით, ბგერების მაძიებელი მამუკა სამხარაძე

არტისტი და ხელოვანი მამუკა სამხარაძე განსაკუთრებული შემოქმედებითი გზითა და ინტუიციაზე დაყრდნობილი მიდგომით გამოირჩევა. იგი ბგერების მაძიებელია - მუსიკა, პოეზია და მოძრაობა მისთვის ერთიან ხელოვნებად იქცა.

მის შესახებ სიუჟეტი გადაცემა „დილა მშვიდობისა, საქართველო“-ს გადამღებმა ჯგუფმა მოამზადა.

მამუკა იხსენებს, რომ ერთ-ერთმა მოგზაურობამ ინდოეთში გადამწყვეტი გავლენა იქონია:

„შევიძინე დოლი და მივხვდი, რომ შემეძლო დამეკრა. როცა საქართველოში დავბრუნდი, გამახსენდა ილუსტრაციები ვეფხისტყაოსნიდან, რომლებიც სამხატვრო აკადემიაში გავაკეთე და შემდეგ მივხვდი - ვეფხისტყაოსანზე შეიძლებოდა ამღერება და აცეკვებაც. ასეთი ქმედებები ინტუიციაზეა დამყარებული. თავიდან არ იცი რას აკეთებ და თანდათან ხვდები“, - ამბობს მამუკა სამხარაძე.