კოკა-კოლას და მანქანის ზეთს კორონავირუსი დაუდასტურდა, რას ნიშნავს ტესტის ეს პასუხი - ბუწაშვილის განმარტება

მოგვიანებით ცნობილი გახდა, რომ ტანზანიაში კორონავირუსი მანქანის ზეთსა და პაპაიასაც აღმოაჩნდა.

რატომ უდასტურდება კოვიდ-19 პროდუქტებს, ეს ნიშნავს, რომ სწრაფი ტესტი არ არის სანდო თუ ვირუსმა მუტაცია განიცადა?

ამის შესახებ ინფექციონისტი მაია ბუწაშვილი „ფორტუნასთან“ საუბრობს.

გავრცელებული ინფორმაციით კოკა-კოლას, მანქანის ზეთსა და პაპაიას კორონავირუსი დაუდასტურდა. რას უკავშირებთ ტესტის ასეთ პასუხებს?

ამ მიმართულებით სერიოზული სამეცნიერო კვლევები არ ჩატარებულა. ჯერჯერობით ნაადრევია იმაზე საუბარი, რა მოხდა რეალურად. ანუ რა გვაძლევს აღნიშნულ პროდუქტებში ისეთ რეაქციას, რომ ტესტი დადებით პასუხს გვაძლევს. ტესტის დადებითი პასუხი არ ნიშნავს, რომ მასში მაინცდამაინც ცოცხალი ვირუსია. კვლევების ჩატარება აუცილებელია და დასკვნების გამოტანა ნაადრევია.

შეიძლება ვთქვათ, რომ კორონავირუსის სწრაფი ტესტი არაა ისეთი ზუსტი, რომლის ნდობაც ბოლომდე შეიძლება?

ზოგადად, სწრაფი ტესი ჩამორჩება სიზუსტით „პისიარ“ კვლევას, მაგრამ ის, რომ ამ ტიპის პროდუქტებში ჩატარებულმა ტესტმა შეიძლება დადებითი პასუხი აჩვენოს, ეს ტესტის ხარისხზე კი არ მეტყველებს, ეს შესასწავლი თემაა. შეიძლება ტესტი რაღაც რეაქციას იძლევა, იმიტომ რომ ამ პროდუქტებისთვის გათვალისწინებული არაა. მასზე ბიოლოგიური მასალა უნდა მოხვდეს და არა ასეთი ნივთიერებები.

🔘აგრეთვე წაიკითხეთ:

მეკო ჩიტიშვილმა სიმსივნე დაამარცხა

რატომ არ იხსნება ბაზრობები - ცქიტიშვილის განმარტება

გუშინ ვუყურებდი თბილისში ნაძვის ხესთან რა ხდებოდა, გული გამისკდა. ეს არის კარანტინი? - გიორგი ფხაკაძე

წყარო: fortuna.ge