მიმდინარე კვირის პროგნოზი 21-27 სექტემბერი:

საინტერესოა, როგორ მოქმედებს ციფრების ვიბრაცია ჩვენს ყოველდღიურობაზე, ხასიათსა და ბედისწერაზე? - ნუმეროლოგია ეფუძნება პრინციპს, რომ სამყაროში ყველაფერს თავისი უნიკალური ენერგეტიკული სიხშირე აქვს, ხოლო ციფრები ამ ენერგიის უნივერსალური ენაა. დაბადების თარიღისა და სახელის ასოების ციფრობრივი მნიშვნელობების გაანალიზებით, შესაძლებელია ადამიანის ძლიერი მხარეების, მისწრაფებებისა და ცხოვრებისეული გამოწვევების დანახვა.

„სიყვარულის, ქალურობის, ფინანსების პლანეტა ვენერა შევიდა 2026 წლის რეტროგრადულობის საფეხურზე, საიდანაც 3 ოქტომბრიდან 15 ნოემბრამდე უკუსვლით იმოძრავებს მორიელი-სასწორის ზოდიაქოში“, - აღნიშნულის შესახებ სოციალურ ქსელში ვრცელ პოსტს ასტროლოგი ხატია ბედოშვილი გვიზიარებს:

21 სექტემბერი ახალი კვირის დასაწყისია და ეს დღე საკმაოდ აქტიური ასტროლოგიური ფონით გამოირჩევა. დღის პირველი ნახევარი პრაქტიკული ამოცანების, პასუხისმგებლობებისა და კონკრეტული საკითხების მოგვარებას მოითხოვს; საღამოს ენერგია კი თანდათან იცვლება და ყურადღება შინაგან პროცესებზე, მნიშვნელოვან გაცნობიერებებსა და ცვლილებების საჭიროებაზე გადააქვს. დღის უმეტეს პერიოდს მთვარე თხის რქის ნიშანში გაატარებს და მარსთან ოპოზიციას შექმნის. ეს ასპექტი შინაგან დაძაბულობას აძლიერებს: ერთი მხრივ, არსებობს ვალდებულებები, გეგმები და ის, რაც აუცილებლად უნდა გაკეთდეს, მეორე მხრივ კი - პირადი სურვილები და მოთხოვნილებები. ამიტომ დილიდანვე შესაძლოა გაჩნდეს გაღიზიანება, განსაკუთრებით მაშინ, როდესაც სხვები ჩვენი ტემპით არ მოქმედებენ ან დაგეგმილი საქმის შესრულებას ხელს უშლიან.

23 სექტემბერს, 04:22 საათზე, მზე სასწორის ზოდიაქოს ნიშანში გადადის, რაც შემოდგომის ბუნიობისა და ახალი ასტრობიოლოგიური ციკლის დასაწყისს ნიშნავს. ასტროლოგ ქეთი ოდიშელის განმარტებით, ეს არის პერიოდი, როდესაც ფიზიკური აქტივობა შინაგანი ძვრებითა და განვლილი ეტაპის შეჯამებით იცვლება. „ინური“, ქალური ენერგიის გააქტიურებასთან ერთად, დღეღამტოლობის დღეები სულიერი პროგრესის, წონასწორობის პოვნისა და მადლიერების გამოხატვისთვისაა განკუთვნილი. ასტროლოგი საზოგადოებას უზიარებს რიტუალებსა და რჩევებს - მზის ამოსვლის შეხვედრიდან დაწესებულ ტრადიციულ სუფრამდე, რაც თითოეულ ადამიანს კოსმოსური ენერგიის სწორად გამოყენებასა და ცხოვრების უკეთესობისკენ შეცვლაში დაეხმარება:

შემოდგომის ბუნიობა, ნამოქმედარის შედეგების შეჯამება და ენერგეტიკული გარდატეხის პერიოდი - ასტროლოგმა ანზორ ოდიშარიამ მიმდინარე კვირის ვარსკვლავური განლაგებისა და ზოდიაქოს ნიშნების მოსალოდნელ ტენდენციებზე გადაცემაში „დილა მშვიდობისა საქართველო“ ისაუბრა. მისი განმარტებით, ეს არის „მოსავლის აღების“ ხანა, სადაც თითქმის ყველა ნიშანს ექნება აფორიაქების ეპიზოდი, თუმცა სწორი ფსიქოემოციური განწყობითა და შეცდომების გამოსწორებით შესაძლებელია სიუხვისა და ჰარმონიის მიღწევა. ასტროლოგი განსაკუთრებულ ყურადღებას 23 სექტემბრის შემოდგომის ბუნიობაზე ამახვილებს და საზოგადოებას ბარაქისა და მადლიერების რიტუალების ჩატარებისკენ მოუწოდებს:

ფენშუის სპეციალისტი თამო შავლიაშვილი სოციალურ ქსელში საზოგადოებას 23 სექტემბრის შემოდგომის ბუნიობისთვის მოსამზადებელ პრაქტიკებსა და რიტუალებს უზიარებს. მისი თქმით, 23 სექტემბერს, როდესაც დღე და ღამე ტოლდება, ენერგიები მთლიანად იცვლება. ეს პერიოდი საუკეთესო შესაძლებლობაა ფინანსური ნაკადების დარეგულირებისა და ცხოვრების ახალ, ბალანსირებულ ეტაპზე გადასასვლელად.

შემოდგომის ბუნიობამდე ორი დღე დარჩა, ენერგია პიკზეა! 21 სექტემბერი - ჩემო ძვირფასებო, დღევანდელი ენერგიებია 3 • 4 • 7. ნუ დასჯერდებით ცოტას. თუ კარგ შესაძლებლობას შემოგთავაზებენ, გაბედეთ და უფრო დიდ შედეგზე იფიქრეთ. ჩამოწერეთ დღის გეგმა: საქმეები, მიზნები და გადაწყვეტილებები, რომლებსაც აქამდე გადადებდით. როცა ყველაფერს თვალწინ დაინახავთ, შესაძლოა მნიშვნელოვანი აზრი გაგიჩნდეთ.

ასტროლოგ მიხეილ ცაგარელის განცხადებით, წელიწადში სულ ოთხი განსაკუთრებული დღეა, როდესაც სამყაროში „პორტალი იხსნება“ და დედამიწაზე სასიკეთო ენერგიები შემოდის - ესენია ორი დღეღამტოლობა და ორი ბუნიობა. ასტროლოგი აღნიშნავს, რომ შემოდგომა-ზამთრის ზონაში გადასვლისას აუცილებელია ლოცვა და მადლიერების გამოხატვა, 23 სექტემბერს კი საზოგადოებას სურვილების ჩამონათვალის შექმნას ურჩევს.