„სიყვარული ეს არის ერთი ადამიანის დაუძლეველი მოთხოვნილება იპოვოს მეორე, რომლისკენაც მიისწრაფვის“, – ამბობდა ინგლისელი ფილოსოფოსი ტომას ჰობზი...
ჰოდა, რადგან ასე ძლიერ მიისწრაფვიან ადამიანები ერთმანეთისკენ ვარსკვლავებმა საქმე გაგვიადვილეს.
გთავაზობთ ზოდიაქოს ნიშნების 10 წყვილს, რომლებიც იდეალურად ესადაგებიან, ჰარმონიულად ერწყმიან ერთმანეთს.
• ვერძი და კირჩხიბი
ვერძი მედიდური ნიშანია, ხოლო კირჩხიბი ამ ენერგიის განეიტრალებას შეეცდება.
• ვერძი და თევზები
ვერძები და თევზები კარგად თავსდებიან, რადგან თევზები უფრო რბილი ხასიათის არიან და დეტალებს მეტ ყურადღებას უთმობენ, ხოლო ვერძი უფრო „თავხედია“ და ურთიერთობებში ლიდერი იქნება, რისი წინააღმდეგიც თევზი არ არის.
• კურო და კირჩხიბი
კურო და კირჩხიბი — ორი რაციონალური ნიშანი ამ შემთხვევაში ერთმანეთს ავსებს. ორივე გულწრფელი, საიმედო ნიშანი, ერთგული მეოჯახეა. ეს მათ ურთიერთობებს იდეალურს ხდის.
• თხის რქა და კურო
ეს ორი ნიშანი შესანიშნავად ერწყმის ერთმანეთს და განსხვავებულ პიროვნებებს შორის ხილულ ბალანსს ქმნის. თხის რქა სახალისო და შრომისმოყვარეა, კურო — კეთილი და გონიერი. მათი წყვილი ნამდვილად იდეალურია.
• მშვილდოსანი და ვერძი
ორივე ნიშანმა იცის, როგორ გაატაროს დრო კარგად. ორივეს უყვარს მხიარულება და ორივე ცოტა „თავქარიანია". მშვილდოსანი ყოველთვის გულის ძახილს მიჰყვება, მაგრამ დრამას ერიდება. სოციალურ ვერძს კი ეს ძალიან მოსწონს, მას მხარდაჭერა სჭირდება.
• კირჩხიბი და თევზები
ორივე წყლის ნიშანი ბუნებით სენტიმენტალურია, რაც ნიშნავს, რომ საერთო ენას ადვილად გამონახავენ.
• ლომი და მშვილდოსანი
ცეცხლის ნიშნები ფეთქებადი ხასიათის არიან, ამიტომ მათ ურთიერთობებში ყოველთვის იქნება „ფეთქებადსაშიში" ელემენტი. მიუხედავად ამისა, ისინი კარგად შეეწყობიან ერთმანეთს, რადგან ლომი თავდაჯერებულია, ეს კი მშვილდოსნისთვის შემაკავებელი ფაქტორი იქნება.
• ქალწული და თხის რქა
ქალწულები, როგორც წესი, საკმაოდ გულდახურული და მორცხვი არიან, მაგრამ თუ პარტნიორს ენდნენ, ბოლომდე იხსნებიან. სწორედ ეს მოსწონთ თხის რქებს.
• ლომი და ტყუპი
ლომი — ცეცხლის, ხოლო ტყუპი — ჰაერის ნიშანია. ლომი შეიძლება მკაცრი პარტნიორი იყოს, მაგრამ ტყუპი ამ ფაქტორს შეამსუბუქებს და პარტნიორს აგრძნობინებს, რომ ის სიყვარულის ობიექტია.
• ლომი და მორიელი
მორიელი ძალზე ეჭვიანია და, როგორც წესი, თავის სიტყვებს არ უკვირდება, მაგრამ ეს თვისება ხელს არ უშლის, ლომთან მტკიცე ურთიერთობები ააწყოს.
მასალა მომზადებულია გამოცემა „sputnik-georgia-ს“ მიხედვით.
ასევე დაგაინტერესებთ👇
🔵„სიცოცხლის ბოლო წუთამდე უანგაროდ ემსახურებოდა ჩვენს სამშობლოს“ - ენვერი ქალდანი გარდაიცვალა
