სოციალურ ქსელში გვერდი - „ჯერ მკითხე“ შექმნილია ბავშვებზე სექსუალურ ძალადობასთან ბრძოლის მიზნით. აღნიშნულ პროექტს ორგანიზაცია „საფარი“ ახორციელებს. ამ გვერდზე პერიოდულად ქვეყნდება ძალადობის მსხვერპლთა ისტორიები.
ამჯერად სექსუალური ძალადობის მორიგი მსხვერპლის ამბავი ვრცელდება. რომელზეც მაშინ იძალადეს, როდესაც ის არაფხიზელ მდგომარეობაში იმყოფებოდა.
„შეიძლება ბავშვი არ ვიყავი, სულ რაღაც 18 წლისას, 1 წელი ურთიერთობა მქონდა ბიჭთან, რომელიც მიყვარდა, მაგრამ სექსის და მსგავსი რამისთვის ჩემი თავი პატარა მეგონა, თან არც მქონდა სურვილი, მაგრამ ერთხელ ისე მოხდა, ჩემდა უნებურად მოვხვდი შეყვარებულის ძმაკაცის ახალ სახლში.
როდესაც ცოტა დავლიე სულ 1 ჭიქა ლუდი, ეს ძმაკაცი წავიდა, არც მახსოვს, რატომ, მაგრამ დავრჩით მე და ჩემი ყოფილი (ვისთვისაც ნათქვამი მქონდა, რომ ქალიშვილობის დაკარგვისთვის მზად არ ვიყავი).
პირველად მოვწიე მოსაწევი, რამაც სულ გამთიშა. ამ მომენტით ისარგებლა ამ ბიჭმა და სცადა ჩემი გახდა, რაზედაც ვერ ვეწინააღმდეგებოდი, რადგან საერთოდ ვერ ვმოძრაობდი.
მაგრამ როდესაც ტკივილი ვიგრძენი, გამოვფხიზლდი უცებ, ისე ამოვარტყი, ალბათ შვილი არასდროს არ ეყოლება. თავიდან არ ვიცოდი, თუ ქალიშვილი არ ვიყავი, მაგრამ როდესაც ჩემს საქმროსთან მქონდა ურთიერთობა, მივხვდი, რომ არ ვიყავი, რამაც ძალიან იმოქმედა ჩემს ფსიქოლოგიურ მდგომარეობაზე. იმიტომ კი არა, რომ ქალიშვილობის დაკარგვა სირცხვილად მივიჩნიე, არამედ იმის გამო, რომ გავიაზრე, 21 წლის ასაკში ჩემზე იძალადეს.
ამას ადრე ვერ ვიაზრებდი, რადგან მეხსიერებიდან ყველაფერი ამოვიგდე, იმის მიუხედავად, რომ ჩემმა ძველმა მეგობრებმა კარგად მიბეგვეს.
დღემდე სურვილი მაქვს, რომ ცხოვრება გავუნადგურო, როგორც თვითონ გამინადგურა 5 წელი.
ეს ყველაფერი დედაჩემმა იცის - წელს ვუთხარი, მაგრამ უკვე აზრი აღარ აქვს - არც დამამტკიცებელი საბუთი მაქვს და არც არაფერი.
იმ ამბის მერე, ყოველ 6 თვეში ერთხელ მეკონტაქტებოდა, მანამ, სანამ ცოლი არ მოიყვანა...
ამაზე ფიქრი არ მაძინებს უკვე 1 წელია და ვფიქრობ, ფსიქოლოგთან მისვლას, მაგრამ ვერ ვბედავ ამაზე ვინმეს პირადად ვესაუბრო. აქაც იმიტომ ვწერ, რომ ანონიმურობაა დაცული.“
აგრეთვე დაგაინტერესებთ:
„ახლა მთავრობას ვაქებთ, რომ ასე თვითდინებაზე მიუშვა პროცესი, შემოდგომაზე კი დავუწყებთ კრიტიკას“
