ტელეკომპანია „პირველის“ ოპერატორი ლექსო ლაშქარავა 11 ივლისს გარდაიცვალა.
როგორც ცნობილია, ლაშა ლაშქარავამ 5 ივლისს, „თბილისი პრაიდის“ კვირეულში სხვადასხვა სახის დაზიანება მიიღო. მას ძალადობრივი ჯგუფის წარმომადგენლებმა ფიზიკური შეურაცხყოფა მიაყენეს, რის შემდეგაც საავადმყოფოში გადაიყვანეს.
გარდაცვალების მიზეზი ჯერჯერობით უცნობია.
შინაგან საქმეთა სამინისტროს ცნობით, გამოძიება 115-ე მუხლით მიმდინარეობს, რაც თვითმკვლელობამდე მიყვანის ფაქტს გულისხმობს.
უწყების ცნობით, ვრცელდება ინფორმაცია, რომ შესაძლოა, გარდაცვალება ნარკოტიკების ზედოზირებას გამოეწვია.
ლექსო დღეს საბურთალოს სასაფლაოზე დაკრძალეს.
მედიასთან საუბრისას, „ტვ პირველის“ საინფორმაციო სამსახურის უფროსი, ნოდარ მელაძე ამბობს, რომ ლექსოს მამაც ტრაგიკულად დაიღუპა.
„ლექსოს მამაც ტრაგიკულად დაიღუპა. მშენებლობაზე მუშაობდა, ბლაგვი საგანი მოხვდა, რის გამოც გარდაიცვალა“,- ამბობს მელაძე.
აგრეთვე წაიკითხეთ:
„ეს ბრაზი სად წავიღო“ - გარდაცვლილი ოპერატორის ცოლის პირველი კომენტარი
