სკოლის ექსკურსიაზე გარდაცვლილი 16 წლის მოზარდის სოფი ნიკოლეიშვილის დედა ლანა ნიკოლეიშვილი გადაცემა „ბაიასთან“ სტუმარი იყო, სადაც მან 2019 წლის გაზაფხულის ტრაგიკული დღე გაიხსენა, როდესაც ლაგოდეხის ნაკრძალში წასული შვილი შინ ვეღარ დაბრუნდა.
აღნიშნულმა ტრაგედიამ მთელი საქართველო შეძრა.
„რომ მივედი, ბოლომდე არაფერი ვიცოდი. პოლიციის შენობაში მიმიყვანეს, სადაც ამბავი გავიგე. იქ იყვნენ სკოლის წარმომადგენლები, რომლებსაც ექსკურსიაზე ყოფნა არ ევალებოდათ. მაგრამ სკოლა, დირექტორი, სიტუაცია დამხვდა ასეთი.
მერე გონებაში რომ აღვადგინე, კუთხეში, იატაკზე ვეგდე ქალი, გამწარებული და სკოლის დირექტორი თანამშრომლებს აწყნარებდა: ჩვენ ახლა დავმშვიდდეთ, ჩვენი მანქანა გამართული იყო, ექიმი გვახლდა, ყველაფერი გაწერილი იყო, დოკუმენტი გვიდევს. ბავშვი ნაპოვნი არ იყო, მეორე დღეს ამოიყვანეს. იმ ღამეს, 11-12 საათზე თავის გადარჩენას ცდილობდა“, - განაცხადა ლანა ნიკოლეიშვილმა.
ასევე დაგაინტერესებთ👇
🔵„ამ ყველაფერს სიკვდილი მირჩევნია...“ - ვინ გარდაეცვალა პეტრე კოლხს
