პარლამენტის ვიცე-სპიკერი თეა წულუკიანი ხშირად ჩნდება საჯარო სივრცეში თავის ერთადერთ შვილთან, მერისთან ერთად. დედა-შვილი ხშირად ესწრება სხვადასხვა კულტურულ თუ საჯარო ღონისძიებას. მერიმ საზოგადოების სიყვარული და სიმპათია უკვე მოიპოვა, რაც მის ფოტოებზე გამოხმაურებების მიხედვით ნათელი აღსაქმელია. ამჯერად, თეა წულუკიანმა სოციალურ ქსელში შვილის ახალი ფოტო გააზიარა, სადაც ჩანს, რომ პატარა მერი ტანვარჯიშით არის დაკავებული. ფოტომ დიდი გამოხმაურება მოიპოვა.

„დროა, მავნებლებმა დაასრულოთ დეპუტატ მარიამ ლაშხისა და მისი არასრულწლოვანი შვილების დევნა და მათზე თავდასხმა. გაიმეორებთ?! ისევ იქნება საჩივარი და ის სახდელი თუ სასჯელი, რასაც მოსამართლე გადაწყვეტს“, – ამის შესახებ საქართველოს პარლამენტის წევრი თეა წულუკიანი სოციალურ ქსელში წერს.

„მთელმა საზოგადოებამ ძალიან მტკივნეულად განვიცადეთ თითოეულის დაპატიმრება და ხმა რომ გამოდიოდა ციხიდან, „ხალხს აწამებდნენ“. კიდევ უფრო მტკივნეული იყო, მათ შორის, მამაკაცი პატიმრებისთვის და აღარაფერს ვამბობ თავისუფლებაზე მყოფი პირებისთვის, ვინც შეესწრო ამ ყველაფერს, ქალების დაპატიმრება. ეს იყო ის, რამაც მე პირადად მათქმევინა, რომ საკუთარ დედას თუ დაუშავებდა სააკაშვილი რამეს, თორემ იმის იქით წმინდა არაფერი არსებობდა“,- ამის შესახებ პარლამენტის დროებითი საგამოძიებო კომისიის თავმჯდომარემ თეა წულუკიანმა განაცხადა.

„უფლება მოგვეცით შემოგიერთდეთ და ფეხზე წამოვუდგეთ იმ მსხვერპლებს და დუმილით პატივი მივაგოთ, ვინც გარდაიცვალა და სხვაგვარად დაზიანდა სააკაშვილის რეჟიმის მიერ“, - ასე მიმართა პარლამენტის საგამოძიებო კომისიის თავმჯდომარემ თეა წულუკიანმა, „ნაციონალური მოძრაობის“ რეჟიმის მიერ ნაწამებ ლაშა არქანიას, რომელიც კომისიის სხდომაზე იმყოფება.

„ყველას გვაქვს კითხვა, არის თუ არა მიხეილ სააკაშვილის ადგილი საავადმყოფოში, პასუხიც ვიცით, მაგრამ იმედი გვაქვს, ესეც მალე გამოსწორდება“, - ამის შესახებ „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი საგამოძიებო კომისიის“ თავმჯდომარე თეა წულუკიანმა კომისიის სხდომაზე განაცხადა, სადაც უფლებების შელახვის ფაქტებთან დაკავშირებით ყოფილ დეპუტატ, ვალერი გელაშვილს უსმენენ.

„თქვენ მრავალჯერ აღნიშნეთ, რომ თქვენს საქმეზე სამი ინსტანციის გადაწყვეტილება არსებობს, რომელიც ამბობს, რომ მაშინდელი უშიშროების სამსახურის ხელმძღვანელი, დათა ახალაია, ასევე მისი ხელქვეითი გიორგი დგებუაძე, მეტსახელად „მასტერა“, ლევან ქარდავა და გიორგი მაზმიშვილი მონაწილეობდნენ უშუალოდ თქვენი და სხვისი შვილების, უდანაშაულო ახალგაზრდების, სტუდენტების, ჩვენი ქვეყნის მომავლის ქუჩაში დახოცვაში“, - ამის შესახებ პარლამენტის დროებითი საგამოძიებო კომისიის თავმჯდომარემ, თეა წულუკიანმა, 2006 წლის 12 იანვარს, „ნავთლუღის სპეცოპერაციის“ შედეგად მოკლული მარად ართმელაძის მამას, მიხეილ ართმელაძეს განუცხადა. მისი თქმით, ახალაიამ და სხვა მაღალჩინოსნებმა, არა მხოლოდ მოკლეს უდანაშაულო ახალგაზრდები, არამედ საკონტროლო გასროლაც განახორციელეს, რაც განაჩენშიც წერია. წულუკიანმა აღნიშნა ისიც, რომ მნიშვნელოვანია, სამივე ინსტანციის განაჩენი, ვინაიდან დადგინდა სიმართლე, რომ მოკლული მარად ართმელაძე უდანაშაულო იყო.

„მიხეილ სააკაშვილი, მაშინ როდესაც ედუარდ შევარდნაძე იყო ჩვენი ქვეყნის პირველი პირი, მისი იუსტიციის მინისტრი იყო. ნელ-ნელა იწყებდა ხელისუფლებაში მოსვლისთვის მზადებას, ბატონი მიხეილ სააკაშვილი და პოლიტიკური, არჩევით პოლიტიკას ვგულისხმობ, კარიერა მისთვის იყო ძალიან მნიშვნელოვანი გზა უფრო დიდი მწვერვალებისკენ“,- განაცხადა პარლამენტის დროებითი საგამოძიებო კომისიის სხდომაზე, კომისიის თავმჯდომარემ, თეა წულუკიანმა, სადაც მიწვეულია თამაზ მოლაშვილი, სულხან მოლაშვილის წამების, არაადამიანური მოპყრობისა და სიცოცხლის უფლების დარღვევის ფაქტებთან დაკავშირებით. თეა წულუკიანის განცხადებით, სულხან მოლაშვილმა, რომელიც მიხეილ სააკაშვილის იუსტიციის მინისტრობის დროს კონტროლის პალატის თავმჯდომარის პოსტს იკავებდა, იგი ამხილა სამინისტროს თანხების უკანონო ხარჯვაში.

„ნიშანდობლივია, რომ დღეს ბატონი ლადო ჭანტურია მსოფლიოში ყველაზე ავტორიტეტული საერთაშორისო სასამართლოს, სტრასბურგის სასამართლოს მოსამართლეა საქართველოდან და ბატონი მიხეილ სააკაშვილი ვივამედში მუშაობს მუმიად, ეს კრიმინალი, რომელმაც გააუბედურა ჩვენი ქვეყანა“,- ამის შესახებ პარლამენტის დროებით საგამოძიებო კომისიის სხდომაზე ვიცე-სპიკერმა, კომისიის თავმჯდომარემ, თეა წულუკიანმა განაცხადა.

„2003–2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე საქმიანობის შემსწავლელი“ საქართველოს პარლამენტის დროებითი საგამოძიებო კომისიის სხდომაზე, სადაც პოლიტიკური თანამდებობის პირების კორუფციული გარიგებები და პირთა საკუთრების უფლებების შელახვასთან დაკავშირებული ფაქტები განიხილება, კომისიის თავმჯდომარემ თეა წულუკიანმა, დაზარალებულ ჯუმბერ ბუზალაძეს მიმართა.

„მე, როგორც დღეს ხელისუფლებაში მყოფი ადამიანი გეუბნებით და აქ ბრძანდება მაშინდელი, როცა თქვენ იქ საგუშაგო ერთპიროვნული გადაწყვეტილების საფუძველზე აღმართეთ, სუსის ხელმძღვანელის მოადგილე, გეუბნებით, რომ თქვენ ვერ მიაღწიეთ მიზანს ამ საგუშაგოს განთავსებით, რომ საოკუპაციო ხაზი არ გადმოწეულიყო და იმათ არ განეთავსებინათ საგუშაგოები, რომლებიც მანამდე არ ჰქონდათ“, - ასე მიმართა პარლამენტის დროებითი საგამოძიებო კომისიის თავმჯდომარემ თეა წულუკიანმა გიორგი გახარიას, სოფელ ჩორჩანაში საგუშაგოს თაობაზე საუბრისას.