გუშინ ჩოგბურთელი ნიკოლოზ ბასილაშვილისა და მისი ყოფილი მეუღლის ნეკა დოროყაშვილის საქმის მასალები გავრცელდა, სადაც სკანდალური შინაარსის სატელეფონო საუბარია ნაჩვენები. როგორც ირკვევა, სპორტსმენს ყოფილი მეუღლე ძალადობაში ადანაშაულებს.
მედიაში გავრცელებულ აუდიო ჩანაწერებს სოციალურ ქსელში მოდელი ნეკა დოროყაშვილი გამოეხმაურა და საზოგადოებას მხარდაჭერისთვის მადლობა გადაუხადა.
„უამრავი მესიჯი მივიღე პირადში. დიდი მადლობა მხარდაჭერისთვის. ვცდილობ ყველას გიპასუხოთ. უდიდეს სითბოს ვგრძნობ თქვენგან, რაც მე მაძლიერებს.
ძალიან დიდი ტრაგედია გადავიტანე. ძალიან ბევრი წელი ვიტანჯებოდი, ძალიან კარგად ვიცი, რამდენი ქალია ჩვენს ქვეყანაში ასეთ მდგომარეობაში ახლა. ჩვენ უნდა გადავარჩინოთ ყველა ის ქალი, ბავშვი და გავუკვალოთ მომავალი მათ. მე მჯერა რომ ჩემს თავზე გადატანილი ტრაგედია იქნება მაგალითი. ჩვენ ერთად შევძლებთ, რომ წელში გადავტეხოთ საქართველოში ქალის (ბავშვის) (ადამიანის) ჩაგვრა! დისკრიმინაცია! ძალადობა!
ჩვენ უნდა ვუშველოთ და დავეხმაროთ ამ ქალებს! უნდა გავათავისუფლოთ! გვახსოვდეს ისინი დღეს ისევ იტანჯებიან, ცხოვრობენ ტყვეობაში და ეშინიათ, რომ არ დაუჯერებენ“, – წერს ნეკა დოროყაშვილი.
ასევე დაგაინტერესებთ👇
🔵წმიდა სინოდის წევრი, ხორნაბუჯისა და ჰერეთის ეპისკოპოსი დიმიტრი გარდაიცვალა
