„თქვე გარეწრებო, სისხლისმსმელო ბნელო გარეწრებო. ეს რა ბიჭი, ეს რა სიცოცხლე და ადამიანი მოკალით“, - ამ სიტყვებით ეხმაურება „ტვიტერზე“ საქართველოს პირველი პრეზიდენტის ზვიად გამსახურდიას შვილი გიორგი გამსახურდია ნიკა კვარაცხელიას მკვლელობას.
„ბოდიში ჩემი ავყიობისთვის, უბრალოდ ეს ისეთი შემთხვევაა, სადაც სხვა სიტყვებს ვერ ვპოულობ. თქვე ნაბიჭვრებო, თქვენი ქურდულის და თქვენი მენტალობის დედას ვთხარე, თქვე გარეწრებო, სისხლისმსმელო ბნელო გარეწრებო. ეს რა ბიჭი, ეს რა სიცოცხლე და ადამიანი მოკალით. თქვენი მტერი ვარ, ვიყავი და ვიქნები“, - წერს გიორგი გამსახურდია და ნიკა კვარაცხელიას ფოტოს აქვეყნებს.
ინფორმაციისთვის, 15 სექტემბერს პლატფორმა „ფიდსის“ დამფუძნებელი, 22 წლის ნიკა კვარაცხელია ვერაზე ჩაცხრილეს. მიყენებული ჭრილობების შედეგად, ახალგაზრდა 16 სექტემბერს, გამთენიისას კლინიკაში გარდაიცვალა.
18 სექტემბერს პოლიციამ ნიკა კვარაცხელიას მკვლელობის საქმე გახსნა.
უწყების ცნობით, განზრახ მკვლელობის საქმეში ორი პირი მონაწილეობდა.
ამავე თემაზე:
⭕ „ეს არის ნიკოს დედა, ხუთი შვილის დედა...“ - რას წერენ ნიკა კვარაცხელიას ოჯახზე?
