მსახიობ იმედა კახიანის ოჯახის თითქმის ყველა წევრს ვიცნობთ. აქედან გამომდინარე, კახიანების მიმართ საზოგადოებას განსაკუთრებული ინტერესი აქვს.
ეკა და იმედა კახიანი ძალიან კარგი მეგობრები არიან, მათ ერთმანეთთან განსაკუთრებული ურთიერთობა აქვთ. მათ ცხოვრებაში იყო დიდი ტრაგედია.
ერთ-ერთ ინტერვიუში მსახიობი იმედა კახიანი ამბობდა - „ბედნიერი კაცი ვარ… შვილით, შვილიშვილებით და შვილთაშვილებით. ერთადერთი ტკივილი, რაც არის ჩემს ცხოვრებაში, შვილის დაკარგვაა. 14 წლის ბიჭი გარდამეცვალა. არ ვიცი, ეს რატომ მოხდა. მაშინ 45 წლის ვიყავი. გარდაცვლილი შვილი ბევრჯერ დამსიზმრებია... ამ ტრაგედიამ დამანახა ის, რომ ადამიანი სანამ ამქვეყნად ხარ, სიყვარულით უნდა იცხოვრო ამ ტრაგედიიდან. მალე ეკა გათხოვდა და უცებ გაჩნდა ნინი. ამან სიცოცხლე მოიტანა.“
კახიანებისგან განსხვავებით, საჯარო გამოსვლებისგან თავს იკავებდა იმედას ცოლი, ფლორა ანთაძე. ფლორა ანთიძე-კახიანი, ვირტუალურ სივრცეში მხოლოდ ერთხელ, ნინის დამსახურებით გამოჩნდა. ნინიმ დედასთან და ბებიასთან ერთად გადაღებული ფოტო სოციალურ ქსელში განათავსა. სამი თაობის კახიანების სილამაზემ მთელი სოციალური ქსელი მოხიბლა.
ეკა ნაადრევ ასაკში რეჟისორ ერეკლე ბადურაშვილზე დაქორწინდა, რომელთანაც ქალიშვილი, ყველასთვის ცნობილი მომღერალი ნინი ბადურაშვილი ჰყავს. ერეკლე რამდენიმე წლის წინ გარდაიცვალა. ყოფილ ქმარზე საუბრისგან მსახიობი ეკა კახიანი თავს იკავებდა. თუმცა მის ოჯახს ყოველთვის პატივისცემით იხსენებდა. ყოფილი დედამთილის გარდაცვალებას კი სინანულით იხსენებდა - „ძალიან იავადმყოფა და კლინიკაში გარდაიცვალა საწყალი. ორი კვირა იწვა. გონება მთლად გათიშული არ ჰქონია, პერიოდულად ეთიშებოდა“.
ნინის და ეკას განსაკუთრებული დედაშვილობა აქვთ. მათ ძალიან მეგობრული ურთიერთობა აქვთ - „ნინი სულ სხვანაირი ბავშვი იყო, უპრეტენზიო, მორიდებული. არასდროს შეგაწუხებდა. ახლა ერთმანეთს ძალიან გვამსგავსებენ“, - ამბობდა კახიანი ერთ-ერთ ინტერვიუში.
პირველი ქორწინება წარუმატებელი აღმოჩნდა და ერეკლესთან განქორწინების შემდეგ, ეკამ ნიკო თოფურიძეზე იქორწინა.
ნიკო თოფურიძეს და ეკა კახიანს, ორი ქალიშვილი, ქეთო და ანასტასია ჰყავთ.
ნიკო თოფურიძეზე აქამდე მხოლოდ ის იყო ცნობილი, რომ ის ბიზნესმენია. რამდენიმე წლის წინ, ბიზნესიდან პოლიტიკაში წავიდა და „ქართული ოცნების“ რიგებს შეუერთდა. ის ხარაგაულის მერი გახლავთ.
რაც შეეხება ეკას შემოქმედებით საქმიანობას, მან დაამთავრა ცენტრალური მუსიკალური გიმნაზია და შოთა რუსთაველის სახელობის თეატრისა და კინოს უნივერსიტეტი. იყო ანსამბლ „მზიურის“ წევრი. მიღებული აქვს ღირსების ორდენი.
ეკა, შვილიშვილების აღზრდაში აქტიურადაა ჩართული. მას საკუთარი მუსიკალური სკოლა აქვს. ნინიმ ერთ-ერთ ინტერვიუში აღნიშნა, რომ შვილიშვილებს მუსიკალური განათლებით ბებო უზრუნველყოფს.
🔘აგრეთვე დაგაინტერესებთ:
საუკეთესო წელი იყო, დიდი ბედნიერება მაჩუქა - რა ფოტოებს აქვეყნებს ნიჟარაძე?
როგორ აღმოჩნდა ბუბა მირცხულავა ფეხი ფეხზე გადადებული მდგომარეობიდან „ჯოჯოხეთში“
ვინ არის დავით ბაგრატიონის რჩეული - ცოტა რამ პრინცესა ირინას შესახებ
🔘საინტერესო ამბები:
ლეგენდად ქცეული მედიკო მებურიშვილის ბუნდოვანი სიკვდილი - ნომენკლატურის მსხვერპლი
