მსახიობი ვერიკო ანჯაფარიძე ნამდვილი ქუთაისელი კნეინა იყო. იგი 1900 წლის 30 იანვარს ქუთაისელი ინტელიგენტის ოჯახში დაიბადა. ვერიკოს სამსახიობო ნიჭი ბავშვობიდან ეტყობოდა. ისე მხატვრულად წაიკითხავდა ხოლმე გრძელ ლექსს, აღფრთოვანებაში მოჰყავდა ყველა სტუმარი.
ამიტომაც, როცა მან მსახიობობა გადაწყვიტა, არავინ შეწინააღმდეგებია,… ასე რომ, ანჯაფარიძის ქალმა ჯერ წმინდა ნინოს სასწავლებელი დაამთავრა, მერე კი მოსკოვში გაემგზავრა. იქიდან ჩამოსულმა ჭიაურელი გაიცნო და მერე დაიწყო ყველაფერი...
მოსკოვიდან ჩამოსულ ვერიკოს გამოჩენილი პოლიტიკური მოღვაწე, ეროვნულ-დემოკრატი, პოეტი და ჟურნალისტი სახელოვანი შალვა ამირეჯიბი ეტრფოდა. იგი ვერიკოზე 11 წლით უფროსი იყო. ამბობენ, რომ სიკვდილის წინ მამამ სთხოვა ქალიშვილს, გაჰყოლოდა ცოლად ამირეჯიბს. ვერიკომაც შეასრულა მისი თხოვნა, მაგრამ მათი ურთიერთობა თავიდანვე განწირული იყო - ვერიკოს გული სხვას ეკუთვნოდა. ამბობდნენ რომ ჯვრისწერიდან გამოსულ ვერიკოს გული შეუღონდა. მას ხომ მიხეილ ჭიაურელი უსაზღვროდ უყვარდა, თავად მიხეილს ამ დროს უკვე ცოლ-შვილი ჰყავდა.
მიუხედავად განშორებისა, შალვა ამირეჯიბს ვერიკო უკანასკნელ ამოსუნთქვამდე უყვარდა. მას ემიგრაციაში წასულსაც აღარ შეურთავს მეორე ცოლი.
მსახიობი ვერიკო ანჯაფარიძე და მიხეილ ჭიაურელი საგარეჯოში შეხვდნენ ერთმანეთს. იქ თეატრალური სტუდია ჰქონდა გახსნილი საფრანგეთიდან დაბრუნებულ გიორგი ჯაბადარს. სადაც მოსკოვიდან ჩამოსული ვერიკოც დადიოდა... ის შეხვედრა მრავლისმომცველი იყო. 24 წლის მიხეილ ჭიაურელს ვერიკოს სახელის ხსენებაზე გული აუჩქროლდა, მანამდე არ ჰყავდა ნანახი.
ამ შეხვედრას თავად ჭიაურელი ასე იხსენებდა:
„მოდიოდა ქალი დიდი ნაბიჯებით. ეცვა აბრეშუმის გრძელი კაბა.
ვერ გაიგებდი, თვალებით ვის უყურებდა, ოდნავ მოზრდილი ცხვირი, უწესრიგოდ, ფაფარივით გადმოყრილი თმა... ყველას მოგვესალმა და მე მომეჩვენა, რომ განსაკუთრებული ყურადღებით მე შემომხედა. მე მას პირველად ვხედავდი... და ვხედავდი მხოლოდ მას! ეზოში მწვანეზე ჩამოვსხედით ყველა. მოხდა ისე, რომ ვერიკო ჩემთან ახლოს დაჯდა. რა ბედნიერებაა! ბედნიერებას განვიცდიდი და არ მესმოდა, რას ნიშნავდა ეს... ჯაბადარმა ახალგაზრდა მსახიობს სთხოვა რამე წაეკითხა. ვერიკომ სასტიკი უარი განაცხადა. სთხოვდნენ ჩვენი მსახიობებიც... „ვთხოვ, იქნებ, დამიჯეროს“,- გავიფიქრე და თითქმის ჩურჩულით ვთქვი, - მეც გეხვეწებით-მეთქი.
მან შემომხედა და დაუყოვნებლივ დაიწყო... რატომ დაიწყო მაინცდამაინც მაშინ, როცა მე ვთხოვე? არ ვიცი... რა ახლოს იყო მისი ხელი დაბლა... ვერაფერს ვგრძნობდი... მე ტაში არ დავუკარი, დავიხარე და ხელზე ვაკოცე...“
ამ დღიდან გაჩნდა მათ შორის დიდი გრძნობა. თუმცა, გარკვეული პერიოდის მერე, ერთმაც შექმნა ოჯახი და მეორემაც, ქალიც ძალიან ცნობილი გახდა და კაციც. მიუხედავად, იმისა რომ ერთად არ იყვნენ, მათ გულებში ცალცაკლე, ერთმანეთის მიმართ დიდი ლტოლვა იყო დამალული. სიყვარულის ცეცხლი ორივეს წვავდა, თუმცა ვერც ერთად შეძლეს იმ „ცეცხლის“ ჩაქრობა...
ოჯახიდან წამოსვლას დიდხანს ვერ ბედავდნენ... ბოლოს, გაწყდა, - „დაე, ილაპარაკონ! რაც უნდათ, ის თქვან, მე შენ მიყვარხარ!“ - უთხრა მიხეილმა ვერიკოს, ხელი ნაზად მოკიდა და ეამბორა.
პაემნის ადგილი ჭიაურელისთვის წმინდა ადგილად იქცა - ჰოდა, ფიქრის გორაზე აშენდა სახლი, სადაც ორმა ხელოვანმა ერთად დაიდო ბინა...
აგრეთვე დაგაინტერესებთ:
2500 კაცი, დარბაზში სანთლით ხელში იდგა - თემურ წიკლაურის დიდი ტრაგედია და ოჯახური ამბები
ცნობილი ადამიანების შემზარავი ტრაგედიები
საბჭოთა მაფიის შემქმნელი ქართველი ქალის ისტორია - ამბავი, რომელზე საუბარსაც ყველა გაურბის
ბულვარული ამბები:
როგორი ქორწილი ჰქონდა ირაკლი კობახიძეს – ფოტოები საოჯახო ალბომიდან
ვინ იყო ქალი, ვის გამოც ედუარდ შევარდნაძე ოჯახის დანგრევას აპირებდა - ფოტოები
