„ძალიან რთული კვირაა. პირველი - დედამიწა უარყოფით ენერგოველშია. მეორე - აგრესიის მმართველი პლანეტა მარსი და შავი მთვარე - მაცდუნებელი ენერგია ერთად ხვდებიან ლომის ზოდიაქოში და მათ უახლოვდება ვენერა, სიყვარულის და ფულის მმართველი პლანეტა - ანუ, მათი ერთად ყრილობა ნიშნავს კონფლიქტს, გაუგებრობას. მაღალია ფინანსური დანაკარგების ალბათობა“, - ამის შესახებ ასტროლოგმა მიხეილ ცაგარელმა „დაიჯესტს“ განუცხადა.
ასტროლოგი თქმით, მიმდინარე კვირაში უნდა მოერიდონ ადამიანები სარისკო მოქმედებებს და გადაწყვეტილებებს, რათა შემდგომში მათ ამ ნაბიჯმა სხვა პრობლემები არ შეუქმნას.
„გაუფრთხილდით გულ-სისხლძარღვთა სისტემას. არ ინერვიულოთ, წნევა აკონტროლეთ და საჭესთან ფრთხილად. მშვიდად გავიაროთ ეს პერიოდი დღეს და ხვალ.
კიდევ ერთი მნიშვნელოვანი მოვლენა ხდება 21 ივნისს, მზე ერთი თვით გადადის კირჩხიბის ზოდიაქოში.
იღბლიანობა ნელ-ნელა მოიმატებს. 21-ში დღე იქნება ასევე საკრალური, ყველაზე გრძელი დღე და ყველაზე მოკლე ღამე. ოთხშაბათს ასევე გვაქვს ზაფხულის მზებუდობა. რას ნიშნავს ახლა ეს? 4 დღე გვაქვს წელიწადში სულ, როდესაც იხსნება სასიკეთო ენერგიების კოსმოსური პორტალი, ეს არის 21-ში. ილოცეთ, დალოცეთ ყველა. სიყვარული გაუშვით სამყაროში, რომ იგივე დაგიბრუნდეთ უკან“,- განაცხადა ცაგარელმა.
ასევე დაგაინტერესებთ:
🔵 7 ნოემბრის საქმეზე მიხეილ სააკაშვილის სასამართლო პროცესი გაიმართება
