15 ოქტომბერი კვირის ერთ-ერთი ყველაზე პროდუქტიული დღეა. დღის ასტროლოგიური კონფიგურაციები ხელს უწყობს მნიშვნელოვანი საქმეების წინ წაწევას, დაწყებული პროექტების გაგრძელებას, მოლაპარაკებებსა და ახალი შესაძლებლობების აღმოჩენას. მთვარე მთელი დღის განმავლობაში მშვილდოსანში იმოძრავებს, რაც ოპტიმიზმს, თავდაჯერებულობას, განვითარების სურვილსა და ახალი პერსპექტივების ძიებას გააძლიერებს.
დღის პირველ ნახევარში აქტიურია მთვარის ჰარმონიული ასპექტი მარსსა და სატურნთან. მარსი ინიციატივასა და მოქმედების უნარს განასახიერებს, სატურნი კი დისციპლინას, მოთმინებასა და პასუხისმგებლობას უკავშირდება. მათი ჰარმონიული ურთიერთქმედება დაგვეხმარება, იდეები კონკრეტულ გეგმებად ვაქციოთ და მიზნის მისაღწევად თანმიმდევრულად ვიმოქმედოთ.
დილის საათები განსაკუთრებით ხელსაყრელია მნიშვნელოვანი ამოცანების შესასრულებლად, სამუშაო პროცესის ორგანიზებისთვის, ხელმძღვანელობასთან სერიოზული საკითხების განსახილველად და იმ პროექტებზე მუშაობისთვის, რომელთა განხორციელებაც დიდი ხანია გადადებული გვაქვს. რადგან ვენერა რეტროგრადულია, უმჯობესია, ყურადღება უკვე დაწყებულ საქმეებსა და არსებულ პროექტებს დავუთმოთ. მხოლოდ გეგმების შედგენით ნუ შემოიფარგლებით - შეარჩიეთ მთავარი მიზანი და გადადგით ერთი კონკრეტული ნაბიჯი მის განსახორციელებლად.
შუადღის შემდეგ აქცენტი ურთიერთობებზე, თანამშრომლობასა და ახალი პერსპექტივების აღმოჩენაზე გადავა. მთვარისა და იუპიტერის ტრინი, მზის მონაწილეობით, ჰარმონიულ ბისექსტილს ქმნის. იუპიტერი შესაძლებლობების გაფართოებას, ცოდნასა და განვითარებას უკავშირდება, მზე კი მიზნების გაცნობიერებასა და თვითგამოხატვას. ეს პერიოდი ხელსაყრელია მოლაპარაკებებისთვის, თანამშრომლობის პირობების განხილვისთვის, პროფესიული რჩევების მისაღებად და საკუთარი იდეების წარსადგენად. სასარგებლო საუბარმა შესაძლოა ახალი შესაძლებლობა ან გამოსავალი დაგანახვოთ. კარგი დროა ოჯახთან და მეგობრებთან ისეთი საკითხების განსახილველადაც, რომლებიც ერთობლივ გადაწყვეტილებას მოითხოვს. წარმატებული თანამშრომლობისთვის მნიშვნელოვანია არა მხოლოდ საკუთარი პოზიციის გამოხატვა, არამედ სხვისი აზრის მოსმენაც.
მთვარის კალენდრის მიხედვით, 12:15 საათიდან მეექვსე მთვარის დღე დაიწყება. მისი სიმბოლოებია ღრუბლები, ნიავი და ზეციური ფლეიტა. ეზოტერულ ტრადიციაში ეს დღე ინტუიციას, შინაგან სიმშვიდესა და შთაგონებას უკავშირდება. ყურადღება მიაქციეთ შემთხვევით გაგონილ სიტყვებს, საინტერესო აზრებსა და მოულოდნელ იდეებს - ზოგჯერ სწორედ ასეთ დეტალებში ვპოულობთ ჩვენთვის მნიშვნელოვან მინიშნებებს.
მეექვსე მთვარის დღე ხელსაყრელია მედიტაციისთვის, სუნთქვითი პრაქტიკებისთვის, ლოცვისთვის. ეცადეთ, დღის განმავლობაში ცოტა დრო მაინც დაუთმოთ სიმშვიდესა და საკუთარ შეგრძნებებზე დაკვირვებას. ამ დღის კიდევ ერთი მნიშვნელოვანი თემაა სიტყვების ძალა. სასურველია, მეტი ადგილი დაუთმოთ მადლიერებასა და კეთილ სურვილებს, მოერიდოთ უხეშ გამონათქვამებსა და სიცრუეს. ეს განსაკუთრებით საყურადღებოა მომდევნო, მეშვიდე მთვარის დღის წინ, რომელიც ტრადიციულად სიტყვების ძალას უკავშირდება.
ამრიგად, 15 ოქტომბერი გვაძლევს შესაძლებლობას, გავაერთიანოთ მიზანმიმართული მოქმედება, დისციპლინა, თანამშრომლობა და ინტუიცია. დღის პირველ ნახევარში კონკრეტულ საქმეებზე კონცენტრირდით, მეორე ნახევარში კი მეტი ყურადღება დაუთმეთ ურთიერთობებს, მოლაპარაკებებსა და ახალი შესაძლებლობების ძიებას.
ასევე დაგაინტერესებთ:
⭕ლევან კოღუაშვილს „ოქროს გლობუსის ნოვატორის“ ჯილდო გადაეცემა
