„დღევანდელი 11 ნოემბრის მმართველი პლანეტა მთვარეა, რაც საკმაოდ დადებითი, პოზიტიური იქნება. კარგია თუ წინაპრებს გაიხსენებთ, მოინახულებთ დიდი ხნის უნახავ ნათესავებს. ითხოვეთ მათი დახმარება, თუ რომელიმე მიმართულებით ეს გჭირდებათ“, - ამის შესახებ ასტროლოგმა და ნუმეროლოგმა ნინა სუსლოვამ გადაცემაში „დილა მშვიდობისა საქართველო“ ისაუბრა.
რაც შეეხება ზოდიაქოს თითოეულ ნიშანს, მათი 11 ნოემბრის ასტროლოგიური პროგნოზი ასე გამოიყურება👇
ვერძი - დაძაბული დღე იქნება, მარტივია თქვენი პროვოცირება, რაც თქვენი მხრიდან აგრესიას გამოიწვევს. გაგახსენდებათ ძველი წყენები, რაც ცუდ ხასიათზე დაგაყენებთ. ეცადეთ, რომ შეინარჩუნოთ სიმშვიდე.
კურო - დაუფიქრებელი ქმედება გახასიათებთ დღეს, სიახლის სურვილი გაკარგვინებთ იმის შეგრძნებას, რომ სიფრთხილე უნდა გამოიჩინოთ. ეცადეთ გამოიჩინოთ მეტი ყურადღება.
ტყუპები - ქაოსური დღეა თქვენთვის, ვერც ერთი საქმე ბოლომდე ვერ მიგყავთ, თუმცა შემოქმედებითი კუთხით ეს დღე შეგიძლიათ პროდუქტიულად გამოიყენოთ.
კირჩხიბი - საკმაოდ დადებითი დღე გაქვთ, მარტივი იქნება წარმატების მიღწევა, შედეგი მოლოდინებზე მეტი აღმოჩნდება. გარდა ამისა, თუ დიდი ხნის განმავლობაში ვინმე მოგწონდათ, შეგიძლიათ ინიციატივა გამოიჩინოთ.
ლომი - არ იჩქაროთ გადაწყვეტილების მიღება, რადგან შესაძლოა სწორად ვერ გაერკვეთ სიტუაციებში. უმჯობესია დაუბრუნდეთ ძველ საქმეებს.
ქალწული - წარმატებას მიაღწევთ მხოლოდ იმ შემთხვევაში, თუ თქვენს ინტუიციას მოუსმენთ! უმჯობესია, დღევანდელი ქმედებები იყოს სპონტანური. დღის მეორე ნახევარი დაუთმეთ ოჯახს.
სასწორი - წარმატებული დღეა, იღბალი დღეს თქვენს მხარესაა. შანსი არ გაუშვათ და შესაძლებლობები სწორად გამოიყენეთ. განიტვირთეთ და გარემო შეიცვალეთ.
მორიელი - საინტერესო დღე გელოდებათ, რომელიც სასიამოვნო სიურპრიზებით გაგახარებთ. საშუალება გეძლევათ გადაჭრათ პრობლემები, რაც დიდი ხანია გაწუხებდათ და გამოსავალს ვერ პოულობდით.
მშვილდოსანი - დადებითი დღეა, განწყობა და თავდაჯერებულობა დაგეხმარებათ სხვებზე კარგი შთაბეჭდილების მოხდენაში. კარგი დღეა ურთიერთობებისთვის.
თხის რქა - დღე დადებითია ახალი საწყისებისთვის. შეგიძლიათ წამოიწყოთ რაიმე ახალი საქმე. იყავით თავდაჯერებულები და ყურადღება არ მიაქციოთ კრიტიკას.
მერწყული - მოგიწევთ დაბრკოლებების გადალახვა, თუმცა ამის შემდეგ წარმატების მიღწევა უფრო გაგიმარტივდებათ. შედეგიც უკეთესი იქნება.
თევზები - ეცადეთ, დღეს განსაკუთრებით გულახდილები იყოთ ახლობლებთან. ეცადეთ, დიდი ნაწილი დღისა დაუთმოთ ოჯახის წევრებს, ეს ნამდვილად გჭირდებათ თქვენც და მათაც.
ასევე დაგაინტერესებთ:
