🪐„გონების ნათების და ცვლილების ზღვარზე“ - პირველ აგვისტოს მერკურის კაზიმი გველოდება - რას მოუტანს ეს ფენომენი ზოდიაქოს ცალკეულ ნიშანს

„მერკურის კაზიმი: ცნობიერების (ცხოვრების) შეცვლის ზღურბლზე

პერიოდი: 31 ივლისის 23:48 საათიდან — 1 აგვისტოს 7:34 საათამდე (თბილისის დროით)

ასტროლოგიაში კაზიმი ნიშნავს პლანეტის ზუსტ შეერთებას მზესთან. ეს ტერმინი არაბული ასტროლოგიიდან მოდის და თანამედროვე ასტროლოგიაში საკმაოდ აქტიურად გამოიყენება.

მიიჩნევა, რომ ნებისმიერი პლანეტის შეერთება მზესთან 0°17'–დან 8°00'–მდე დისჰარმონიულია, რადგან ეს არის „დამწვარი“ პლანეტა, რომელიც მიანიშნებს ამ პლანეტის ასტროლოგიური ფუნქციის გაბუნდოვანებაზე და „დამუხრუჭებაზე“. მაგრამ რას ნიშნავს, როდესაც ესა თუ ის პლანეტა იმყოფება აბსოლუტურად ზუსტ შეერთებაში (16 კუთხე-მინუტამდე)?! ამას უწოდებენ, რომ პლანეტა „მზის გულშია“, ანუ კაზიმშია.

ზემოთ აღნიშნულ პერიოდში, ანუ 31 ივლისის 23:48 საათიდან - 1-ელ აგვისტოს 7:34 საათამდე, მერკური იმყოფება კაზიმში. (ბუნებრივია, ეს თბილისის დროით; უცხოეთში შესაბამისი დროის სხვაობა გათვალისწინებული უნდა იქნეს.

მაგალითად, თუ თბილისში მერკურის კაზიმის პიკი 1-ელ აგვისტოს 3:40 საათია, ნიუ-იორკში ეს იქნება 31 ივლისის 19:40 საათი და ა.შ.)

დროის ეს პერიოდი ძალიან კარგია იდეების მოფიქრებისთვის და რაიმეს გაცნობიერებისთვის, რადგან აზროვნება მახვილდება და ლოგიკა ძლიერდება. ადამიანები ზუსტად ხვდებიან, რა თქვან, როდის და როგორ. ამ დროს გამოხატულია სწავლისა და წერის უნარი - ძლიერდება ინტელექტიც.

ცნობიერება, რომელიც მანამდე იყო „დაბნელებული“, ნათდება, ბრწყინდება და ადამიანები იოლად პოულობენ მნიშვნელოვან კითხვებზე პასუხებს. ინფორმაციის მიღება, დამუშავება და გადაცემის უნარი ძლიერდება, ურთიერთობები კი ეფექტიანად ვითარდება.

ეს კარგი დროა არა მხოლოდ საკუთარი პოზიციების გამოხატვისთვის, არამედ იმის მოფიქრებისთვის (მიხვედრისთვისაც), თუ რა უნდა თვითონ ამ ადამიანს.

ასე რომ, რეკომენდებულია ეს პერიოდი მაქსიმალურად ნაყოფიერად გამოიყენოთ. ეს არის დრო, როდესაც შეიძლება შეიცვალოს ცნობიერება - და აქედან გამომდინარე, ცხოვრებაც.

გისურვებთ წარმატებებს!“, - წერს რამაზ გიგაური. 

⭕ ასევე დაგაინტერესებთ:

⭕„დაუვიწყარი გამოსვლები აჩუქე „ვინ ვინ არის“ მეოთხე სეზონს“ - მაკა ზამბახიძე თიკა ჯამბურიას მიმართავს

⭕„ათასობით ადამიანი C ჰეპატიტის დიაგნოზით ცხოვრობს და ამის შესახებ არც კი იცის“ - მაია ბუწაშვილი საგანგებო მიმართვას ავრცელებს

⭕„2026 წელი მათთვის არა მხოლოდ კალენდარული თარიღია, არამედ „სხვა რეალობის კარი“ - თუ დაიბადეთ 1971-2003 წლის შუალედში, თაკო მელიქიშვილის პროგნოზი თქვენთვისაა!