„დღევანდელი დღის მმართველი პლანეტა მარსია, საინტერესო დღეა, მოულოდნელობებით სავსე. შესაძლოა რაღაც რადიკალური ცვლილებები მოხდეს, ასევე არსებობს ალბათობა, რომ რაღაც მნიშვნელოვან ინფორმაციას გაიგებთ, ან რაღაც დაფარულ ინფორმაციას აეხდება ფარდა“, - ამის შესახებ ასტროლოგმა ნინა სუსლოვამ გადაცემაში „დილა მშვიდობისა საქართველო“ ისაუბრა და საზოგადოებას რეკომენდაციები გაუზიარა.
რაც შეეხება ზოდიაქოს თითოეულ ნიშანს, მათი 25 თებერვლის ასტროლოგიური პროგნოზი ასე გამოიყურება 👇
ვერძი - გეგმები, რაც გქონდათ, შეიცვლება. არ ინერვიულოთ, ეს ადეკვატურად უნდა მიიღოთ. ელოდეთ დადებით ცვლილებებს სამსახურში.
კურო - კარგი დღეა მოლაპარაკებებისთვის, შეხვედრებისთვის, მარტივად გამოგივათ შედეგის მიღწევა. ყურადღება მიაქციეთ პირად ურთიერთობას, ცოტა დაძაბულობა გელოდებათ.
ტყუპები - საკმაოდ წარმატებული დღეა თქვენთვის, იქნებით კრეატიულები. მეტი დრო დაუთმეთ მეორე ნახევრებს და შვილებს. ეცადეთ ნაყოფიერად და კარგად გაატაროთ ეს დღე.
კირჩხიბი - თუ ემოციებს არ აჰყვებით დღე დადებითი იქნება, ნუ მიიღებთ გადაწყვეტილებებს იმპულსურად. იყავით მშვიდი და გაწონასწორებული. ფინანსებს დაუთმეთ ყურადღება.
ლომი - ჰარმონიული დღეა, ნებისმიერ სიტუაციას მარტივად დაალაგებთ. ახალი საქმის დაწყებისთვის იდეალური დროა.
ქალწული - ეცადეთ დღე ძვირფას ადამიანებს დაუთმოთ. სწორად გადაანაწილეთ დღის განრიგი, რადგან მათაც არ მოაკლდეთ დრო.
სასწორი - მიიღებთ ისეთ ახალ ინფორმაციას, რაც მომავალში გამოგადგებათ. იდუმალი დღე იქნება, რაც ფარდას ახდის ყველაფერს.
მორიელი - არსებობს ალბათობა იმისა, რომ ემოციური ფონიდან გამომდინარე გადაწყვეტილებები არ იქნება სწორი, ამიტომ ნუ დაგეგმავთ ნურაფერს დღის პირველ ნახევარში. დღის მეორე ნახევარი კი შეგიძლიათ გამოიყენოთ.
მშვილდოსანი - რაიმე მნიშვნელოვანი ცვლილება და ნაბიჯი დღეს არ გააკეთოთ. ძველი, ადრე დაწყებული საქმეები დაასრულეთ, სიახლეები კი მომდევნო დღეებში დაგეგმეთ.
თხის რქა - საკმაოდ ნაყოფიერი და დატვირთული დღე გელოდებათ. დღეს დაგეგმეთ ყველა მნიშვნელოვანი საქმე.
მერწყული - იმოქმედეთ, გადადგით ნაბიჯები, აისრულეთ სურვილები. დაასრულეთ ადრე დაწყებული საქმეები.
თევზები - ენდეთ ინტუიციას და შეგრძნებებს, დაფარული ინფორმაცია გახდება თვალსაჩინო და გაიგებთ ძალიან საინტერესო რაღაცას.
აგრეთვე დაგაინტერესებთ:
🎥 „ყველას არ ვენდობი...საყოველთაო დიაგნოზს დავსვამ, ეს არის უღმერთობა...“ - მამა საბა ჭიკაიძე
