მოულოდნელი სიხარული მოდის ამ სამ ზოდიაქოს ნიშანთან - აღნიშნულ თემაზე ვრცელ პოსტს ჟურნალისტი თაკო მელიქიშვილი აქვეყნებს, რომელიც ბოლო დროს ასტროლოგიით დაინტერესდა:
„ვერძები, ტყუპები და კირჩხიბები სექტემბრის ბოლომდე შედეგს სწორედ იქ დაინახავენ, სადაც იმედი თითქმის დაკარგული ჰქონდათ. ეს შეიძლება ეხებოდეს ადამიანს, ფულს, სამსახურს, საცხოვრებლის შეცვლას ან გადაწყვეტილებას, რომელიც დიდი ხნის განმავლობაში არ გამოდიოდა. ყველაზე მოულოდნელი კი ის იქნება, რომ სურვილი სულ სხვა ფორმით აგისრულდებათ, ვიდრე აქამდე წარმოგედგინათ.
ვერძებო, ცვლილება შეიძლება მოვიდეს შესაძლებლობის სახით, რომელიც სწრაფად მოქმედებასა და ეჭვების გვერდზე გადადებას მოგთხოვთ. ის, რასაც ითხოვდით, მზა საჩუქარივით კი არ მოგეცემათ, არამედ კარის სახით გამოჩნდება, რომელშიც თავად უნდა შეხვიდეთ. თუ აქამდე იდეალურ მომენტს ელოდებოდით, სექტემბერი დაგანახვებთ, რომ ის უკვე დადგა — ყოველგვარი გაფრთხილების გარეშე.
ტყუპებო, პასუხი შესაძლოა კონკრეტული ადამიანისგან ან მნიშვნელოვანი საუბრის შედეგად მიიღოთ. ერთ შეხვედრას შეუძლია მოგიტანოთ სწორედ ის კონტაქტი, იდეა ან შემოთავაზება, რომელიც რამდენიმე წელია გაკლიათ. მთავარია, უარი არ თქვათ მხოლოდ იმიტომ, რომ ყველაფერი ზედმეტად ჩვეულებრივად დაიწყება და თავიდან ვერ იგრძნობთ: „აი, სწორედ ეს არის!“.
კირჩხიბებო, თქვენი სურვილის ასრულება შესაძლოა პირად ცხოვრებასა და შინაგან სიმშვიდეს უკავშირდებოდეს. ის, რასაც სამყაროს სიყვარულის ან სტაბილურობის სახით სთხოვდით, შესაძლოა ძველი სცენარის საბოლოოდ დასრულების შემდეგ მოვიდეს. სწორედ მაშინ გაიხსნება გზა ახალი ეტაპისკენ“, - წერს თაკო მელიქიშვილი.
⭕ ასევე დაგაინტერესებთ:
⭕„გამოიჩინეთ სიფრთხილე ცეცხლთან...“ - 11 სექტემბრის ახალმთვარეობა: ქეთი ოდიშელის პროგნოზი
