შენი მზის მიღმა: რას ჰყვება მთვარე პირად რუკაში?
ხშირად ვკითხულობთ: „რა ნიშანი ხარ?“ და პასუხად ვამბობთ ჩვენს მზის ნიშანს. მზე ჩვენი ცნობიერია, ჩვენი ეგო და ამბიციები — ის, თუ როგორ გვინდა ვათბობდეთ და ვანათებდეთ სამყაროს.
მაგრამ როდესაც შინ ვბრუნდებით, ვხურავთ კარს, ვრჩებით საკუთარ თავთან, ან როდესაც ცხოვრებაში კრიზისი და სტრესი დგება — სცენაზე სრულიად სხვა ფიგურა გამოდის. ეს არის მთვარე.
ასტრო-ფსიქოლოგიაში მთვარე ჩვენი ყველაზე ინტიმური ნაწილია:
• შენი შინაგანი ბავშვი: როგორ რეაგირებ, როცა გეშინია ან გწყინს?
• ემოციური კომფორტის ზონა: რა გჭირდება იმისთვის, რომ თავი დაცულად იგრძნო? (ზოგს სიმარტოვე და სიჩუმე სჭირდება, ზოგს — ხმამაღალი საუბარი და ემოციების დაცლა).
• აღქმა: როგორ იღებ სამყაროს — როგორც მეგობრულ გარემოს თუ როგორც მუდმივ ბრძოლის ველს?
თუ შენი მზე ვერძია, მაგრამ მთვარე თევზებში გყავს, გარე სამყაროსთვის შეიძლება მებრძოლი და თავდაჯერებული ჩანდე, მაგრამ შიგნით უაღრესად სენსიტიური, ნაზი და ხშირად მარტოობის მოყვარული სული იმალებოდეს.
⭕ ასევე დაგაინტერესებთ:
⭕„საოცრად გემოვნებიანია ეს ქალბატონი“ - რა კადრებს გვიზიარებს ნინო ნადირაძე
