„გამარჯვების მმართველი პლანეტა იუპიტერი 10 რიცხვიდან 1 წლით გადადის კირჩხიბში, ეს ხდება 12 წელიწადში ერთხელ. თქვენ ხდებით ფავორიტი ყველანაირ სფეროში, გაქვთ საშუალება დიდ წარმატებებს მიაღწიოთ, თუმცა იქამდე გარკვეული პრობლემებია, რაც მშვიდად უნდა გაიაროთ“, - ამის შესახებ ასტროლოგმა მიხეილ ცაგარელმა გადაცემაში „იმედის დილა“ ისაუბრა და ზოდიაქოს ნიშნებს მნიშვნელოვანი რეკომენდაციები გაუზიარა.
რაც შეეხება ზოდიაქოს თითოეულ ნიშანს, მათი პროგნოზი ასეთია:
ვერძი - ჯანზეა, ენერგოტონუსი მაღალია, აქტიურია, ენერგიულია. არ გადაამეტოთ, რადგან შესაძლოა სხვის ტერიტორიაზე შეხვიდეთ. იყავით ყურადღებით ინფორმაციასთან, იქნება მოტყუების მცდელობა. გადახედეთ დოკუმენტაციებს.
კურო - ენერგოტონუსი დაბალია, გაუფრთხილდით ჯანმრთელობას, მოულოდნელობების ალბათობაა. შეიძლება მოგიხდეთ ბინის შეცვლა, იყავით მზად. არავითარი აგრესია, კონფლიქტი, ემოციურობა და არავითარი ზედმეტი კაპიტალ დაბანდება, ხარჯი.
ტყუპები - ერთის მხრივ ვარსკვლავური დროა, კომუნიკაბელური, აქტიურია, მაგრამ უპასუხისმგებლოა. ძალიან არასერიოზულად უდგება დაკისრებულ ვალდებულებებს, რაც სხვებს გააღიზიანებთ. მძაფრდება ურთიერთობა მშობლებთან, ხელმძღვანელ პირებთან.
კირჩხიბი - ენერგოტონუსი ყველაზე დაბალი გაქვთ წლის განმავლობაში. ადვილად იღლებით, მეტად გამოაძინეთ, დაასვენეთ საკუთარი თავი. თუ ამას არ გააკეთებთ. მოლაპარაკებებისთვის ძალიან კარგი პერიოდია, შესაძლოა საინტერესო იდეების რეალიზაცია.
ლომი - ენერგიული, აქტიური, მაგრამ ფრთხილად უნდა იყოთ უცხო ადამიანებთან. ზოგიერთი ეცდება თქვენი ფინანსური შესაძლებლობების გამოყენებას. რეფორმებისთვის, სიახლეებისთვის, სასიკეთო ცვლილებებისთვის კარგი პერიოდია.
ქალწული - გაღიზიანებულია, რადგან ენერგოტონუსი დაბალია. კონფლიქტების ალბათობა მაღალია. შეინარჩუნეთ კარგი ურთიერთობა კოლეგებთან და ხელმძღვანელ პირებთან. გადაამოწმეთ ნებისმიერი ინფორმაცია, რადგან მოტყუების ალბათობაა.
სასწორი - არ უჩივის ჯანს, მაგრამ სხვისი ზეგავლენის ქვეშ ექცევა მარტივად. მგზავრობა-მოგზაურობა არ არის სასურველი, რადგან შეიძლება დაკარგოთ პასპორტი, გაგიფუჭდეთ მანქანა.
მორიელი - ენერგოტონუსი ეცემა, გაუფრთხილდით ჯანმრთელობას, პარტნიორული კონფლიქტების ალბათობა მაღალია. აკონტროლეთ მათი მოქმედება ფინანსების მიმართ.
მშვილდოსანი - ენერგოტონუსი მაღალია, ჯანზე ხართ, მაგრამ გაუფრთხილდით ცდუნებებს, შეცდომების ალბათობა მაღალია. თქვენი სარკასტული, გესლიანი გამოთქმებით დაძაბავთ ურთიერთობებს სახლში, საქმიან პარტნიორებთან.
თხის რქა - შვილებს გაუფრთხილდით, არ გაანაწყენოთ, ამას მოჰყვება პრობლემები, რასაც არ აპატიებთ საკუთარ თავს. ენერგოტონუსი დაბალია, ამიტომ გაუფრთხილდით ჯანმრთელობას.
მერწყული - ჯანმრთელობას არ უჩივით, მაგრამ საქმიანი კუთხით პრობლემების ალბათობა მაღალია. შეინარჩუნეთ ფინანსები.
თევზები - ენერგოტონუსი დაბალია. გაცილებით კარგად ხართ სამსახურში, ვიდრე სახლში, რადგან იქ მეტი პრობლემები გაქვთ. მეტი დიპლომატია იქნება საჭირო ოჯახის წევრებთან.
ასევე დაგაინტერესებთ:
