ასტროლოგი, ფსიქოლოგი და რამდენიმე წიგნის ავტორი, რამაზ გიგაური, სოციალურ ქსელში სხვადასხვა ასტროპროგნოზთან ერთად საზოგადოებას ხშირად უზიარებს სასარგებლო რჩევებს.
ამჯერად ასტროლოგი ახალ სტატუსს აქვეყნებს, სადაც 5 დეკემბრის სავსემთვარეობაზე წერს და რეკომენდაციებს გვიზიარებს:
„ამაღამ, კონკრეტულად კი თბილისის დროით, 3:14 საათზე - სავსემთვარეობაა!
მთვარე ტყუპებშია და უპირისპირდება არა მხოლოდ მზეს, არამედ მარსს (აგრესია/მოქმედება) და ვენერას (გრძნობები/სურვილები) - მშვილდოსანში.
რას ნიშნავს ეს ჩვენთვის?
1. ენას ძვალი არ აქვს (მაგრამ შეუძლია ძვლების დამტვრევა) დღეს და ხვალ სიტყვას უდიდესი ძალა აქვს, ოღონდ — დამანგრეველი (ქართული ანდაზა ხომ გახსოვთ, „სანამ ხმალი მოვიდოდეს - ენამ სისხლი დაღვარაო?“). ტყუპების მთვარე გვაიძულებს ვისაუბროთ, ხოლო მარსის ოპოზიცია ამ საუბარს „ბრძოლის ველად“ აქცევს.
გაფრთხილება: ერთი დაუფიქრებელი რეპლიკა, სარკაზმი ან კრიტიკა შეიძლება დიდ კონფლიქტად იქცეს. ნუ აჰყვებით პროვოკაციას სოციალურ ქსელებსა და პირად საუბრებში.
2. საფრთხე გზებზე ტყუპები მართავს გზებს, მარსი კი — სიჩქარეს და ავარიულობას.
რჩევა: ნუ გადააჭარბებთ სიჩქარეს! ყურადღებით - საჭესთან. ნუ იმესიჯებთ და ნუ ისაუბრებთ ტელეფონზე მანქანის მართვისას (ეს ახლა განსაკუთრებით საშიშია).
3. „მიყვარს და მძულს“ ვენერას ჩართულობა ამ კონფლიქტში ურთიერთობებს ძაბავს. შეიძლება მოგეჩვენოთ, რომ პარტნიორი არ გიგებთ, ან თქვენი სურვილები იგნორირებულია.
რჩევა: დღეს ნუ მიიღებთ საბოლოო გადაწყვეტილებებს ურთიერთობებზე. ემოციური ფონი ახლა ძალიან მაღალია და ობიექტურობა — ნული.
როგორ გამოვიყენოთ ეს ენერგია? (კრიზისი, როგორც რესურსი) ეს ასპექტი არის უზარმაზარი მენტალური დენთი.
- დაწერეთ! თუ ბრაზობთ — ფურცელზე გადაიტანეთ.
- ილაპარაკეთ იდეებზე და არა ადამიანებზე.
- იმოძრავეთ ფეხით, ივარჯიშეთ — დაწვით ზედმეტი ადრენალინი ფიზიკურად“, - გვირჩევს რამაზ გიგაური.
⭕ ასევე დაგაინტერესებთ:
⭕ადამიანის სიარულის მანერა მის ჯანმრთელობაზე მეტყველებს - ექსპერტები დეტალებს გვიზიარებენ
