შეყვარებული ადამიანი თითქოს ჩუმადაა, მაგრამ ყველაფერს ამბობს მზერით, ჟესტით, უხილავი სითბოთი, რომელიც ყოველდღიურობაზე მეტად მეტყველებს.
როგორ მივხვდეთ, სად მთავრდება ჩვეულებრივი სიმპათია და საიდან იწყება გრძნობა, რომელიც ადამიანს მთლიანად ცვლის? - აღნიშნულ თემაზე წიგნის „გონების კოდი“ ავტორი ზაზა ჯაიანი საუბრობს.
მისი თქმით, როცა ადამიანი შეყვარებულია, მასში შიდა სინათლე იღვიძებს ისეთი, რომელიც თვალითაც ჩანს და ენერგიითაც იგრძნობა:
„როგორ ასხივებს ადამიანი, როცა შეყვარებულია:
როცა ადამიანი შეყვარებულია, მასში შიდა სინათლე იღვიძებს ისეთი, რომელიც თვალითაც ჩანს და ენერგიითაც იგრძნობა.
1. თვალები ბრწყინავს - სიყვარული თვალებს ანათებს. ისინი უფრო ცოცხალი, თბილი და იმედით სავსე ხდება.
2. სხეული მსუბუქდება - დაძაბულობა ქრება, მოძრაობა ბუნებრივი და თავისუფალი ხდება, თითქოს ადამიანი ჰაერში დადის.
3. ხმა რბილდება - სიყვარული მატებს სითბოს; ადამიანი სხვანაირად ლაპარაკობს, მშვიდად და ემოციურად.
4. დადებითი ენერგია იფრქვევა - შეყვარებული ადამიანიდან ბედნიერება გამოდის. მისი ყოფნა სხვებსაც აბედნიერებს.
5. ჩნდება შინაგანი სიმშვიდე - სიყვარული ქმნის უსაფრთხოების განცდას. და სიმშვიდე სხეულიდან გამოიფრქვევა.
6. ბუნებრივი სილამაზე იღვიძებს - არ აქვს მნიშვნელობა გარეგნობას, სიყვარული ადამიანს უბრალოდ ასხივოსნებს და ამშვენებს.
სიყვარული ის ძალაა, რომელიც ადამიანს ანათებს. როცა გიყვარს, თავადვე იქცევი სინათლის წყაროდ“, - წერია გავრცელებულ ინფორმაციაში.
ასევე დაგაინტერესებთ:
