რა ცვლილებებს მოიტანს იუპიტერის ტრანზიტი ლომის ნიშანში და რისთვის უნდა მოვემზადოთ უახლოესი სამი თვის განმავლობაში?
ასტროლოგი კატო მაყაშვილი ვედურ ასტროლოგიაზე დაყრდნობით განმარტავს, რომ 31 ოქტომბერს დაწყებული ეს ენერგეტიკული ეტაპი ზოდიაქოს თითოეული წარმომადგენლისთვის საკუთარი შესაძლებლობების მოსინჯვისა და დიდ გარღვევამდე ძალების მობილიზების უნიკალური შანსია:
„იუპიტერი ლომში: სამთვიანი რეპეტიცია დიდი სპექტაკლის წინ
პოსტი მომზადებულია ვედური ასტროლოგიის მიხედვით და ის არ ემთხვევა დასავლური ასტროლოგიის პროგნოზებს.
31 ოქტომბერს იუპიტერი ლომში შევიდა. შევიდა ისე, როგორც ნათესავი შემოდის „ერთი წუთით“: ფეხსაცმელი არ გაიხადა, ქურთუკი არ ჩამოკიდა და კარში დგას. 13 დეკემბერს რეტროგრადული გახდება, 24 იანვარს კი კირჩხიბში დაბრუნდება, თითქოს უთოს გამორთვა დაავიწყდა. საბოლოოდ, უკვე ჩემოდნებით, 2027 წლის 26 ივნისს შემობრძანდება.
ასე რომ, ნოემბერი, დეკემბერი და იანვარი გენერალური რეპეტიციაა. სცენა განათებულია, დარბაზი ნახევრად ცარიელია და სწორედ ახლა შეგიძლია გაიგო, რომელი როლისთვის ხარ დაბადებული.
რას მოაქვს ზოგადად?
ლომი ის ნიშანია, სადაც ადამიანი საკუთარ სახელს ხმამაღლა ამბობს: შემოქმედება, ლიდერობა, პირადი ინიციატივა, ბავშვები, საკუთარი პროექტი. იუპიტერი ამ ყველაფერს აფართოებს. მაგრამ არის ერთი „მაგრამ“ და ის თევზებში ზის.
სატურნი თევზებშია და იუპიტერს 6/8 ღერძიდან უყურებს, ისე, როგორც ორი მეზობელი უყურებს ერთმანეთს ერთი პარკინგის ადგილის გამო. იუპიტერი ამბობს: „გამოდი სცენაზე“. სატურნი გეკითხება: „შენი სცენაზე გამოსვლა განა ყველასთვის თანაბრად კარგია?“
ამიტომ ყოველი იდეა, რომელიც მოუმწიფებელია, ეგოისტურია ან მხოლოდ ავტორს ემსახურება, გარედან შეიზღუდება. თუ ვიდეობლოგში გამოაცხადებ, რომ სამყარო საბოლოოდ გაიგე და დანარჩენებს მხოლოდ შენი მოსმენაღა დარჩათ, სატურნი თევზებში ბუმერანგს გამოგიგზავნის, ექსპრეს ფოსტით. ამ ტრანზიტის ფორმულა ასეთია: შექმენი პროექტი, რომელიც შენზე დიდია. ლიდერობა მაშინ არის გამართლებული, როცა სივრცეს უხსნი მათ, ვისაც თავად არ შეუძლია ყურადღების მოპოვება. და საერთო წარმატება მთლიანად არ მიისაკუთრო, როგორც არ უნდა გინდოდეს.
ისტორიამ ეს ფილმი უკვე ნახა
იგივე წყვილი (იუპიტერი ლომში, სატურნი თევზებში) 1967-1968 წლებში იყო. მაშინ გაეროს ოქმმა ლტოლვილის ცნება მთელ მსოფლიოში საერთო გახადა, კუბრიკმა გადაიღო „კოსმოსური ოდისეა 2001“, სადაც კომპიუტერი ადამიანს ენდობა, პარიზში კი სტუდენტების პროტესტი საერთო გაფიცვად იქცა და მთავრობას პლაკატებით ესაუბრებოდნენ. ამიტომ ახლაც სავარაუდო თემებია: მიგრაცია და საზღვრები, ადამიანი და ხელოვნური ინტელექტი, ბრბო და ხელისუფლება, პიროვნება ჰუმანიტარული მისიით.
იუპიტერი, კეტუ და მარსი ერთ ოთახში
ბევრს ეშინია, რომ იუპიტერი კეტუსთან დასუსტდება, მაგრამ ასე არ არის. კეტუ ლომში უკვე წელიწადნახევარია მუშაობს, ძველ ვალებს აგროვებს და იუპიტერი პირიქით, მის საქმეს არბილებს. 25 ნოემბერს კეტუ კირჩხიბში გადადის. 12 ნოემბრიდან ლომში მარსიც შემოდის და სამივე მაგჰა ნაქშატრაშია, წინაპრების ვალების და ძალის ნაქშატრაში. იუპიტერის გარეშე ეს ბევრად მკაცრი იქნებოდა.
იუპიტერი შესაძლებლობას იძლევა, მარსი ხელსაწყოს. ერთი კარს გიღებს, მეორე ჩაქუჩს გაწვდის. სამ თვეში შეიძლება ახალი საძირკველი ჩაყარო იმ სახლში, სადაც ლომი გიდგას.
პატარა სავარჯიშო
გაიხსენე, რა ხდებოდა 2015 წლის ივლისიდან 2016 წლის აგვისტომდე და 2003 წლის ივლისიდან 2004 წლის აგვისტომდე.
რომელი კარი გაიღო?
რისი დაწყება მოახერხე?
რას მოუტანს ეს ტრანზიტი თითოეულ ნიშანს?
გაითვალისწინეთ ასცენდენტი ან მთვარის ნიშანი, მხოლოდ თქვენი ვედური რუკის მიხედვით, რომელიც შეგიძლიათ შეადგინოთ:
♈ ვერძი
იუპიტერი მეხუთე სახლშია: შემოქმედება, სწავლება, მოსწავლეები, ბავშვები. ვინც შვილზე ფიქრობს, ესეც მისი ტრანზიტია. მარსი გვერდით გიდგას, ამიტომ ნუ იოცნებებ, ჩაწერე პირველი გაკვეთილი ან გაგზავნე განაცხადი.
♉ კურო
მეოთხე სახლი: სახლი, ოჯახი, უძრავი ქონება, საზოგადოება, საცხოვრებელი ადგილის არჩევა. გადასვლაზე ფიქრისას უცებ გაჩნდება კითხვა: „პარტნიორი რას გააკეთებს იქ?“ სატურნი მეთერთმეტეში გიდგას, ამიტომ ძველ აუდიტორიას ნუ დაკარგავ.
♊ ტყუპები
მესამე სახლი: სწავლა, წერა, მედია, გამოსვლები, მოკლე მოგზაურობები, საკუთარი ინიციატივა. მთავარია, წვრილმანებში არ გაიფანტო. სატურნი მეათეშია, ამიტომ ეს ენერგია კარიერაში და სტატუსში გადაიტანე.
♋ კირჩხიბი
მეორე სახლი: შემოსავალი, დანაზოგი, ხმა, საკუთარი პროდუქტი. კირჩხიბის მისია სხვების გამოკვებაა, ოღონდ მკვებავსაც სჭირდება კვება. ფასის აწევის დროა. მარსიც მეორე სახლშია, ამიტომ ხელფასზე და ახალ პირობებზე ლაპარაკი ახლა ღირს.
♌ ლომი
პირველი სახლი: თვითრეალიზაცია, ლიდერობა, საკუთარი თავის წარდგენა. კეტუს და სატურნის შემდეგ, რომლებმაც მუხლებზე დაგაყენეს, წამოდგომის დრო მოდის. მაგრამ სატურნი მერვე სახლი გიდგას: დაპირებები ძალას შეუსაბამე, თორემ სცენიდან პირდაპირ კულისებში გადაგამისამართებენ.
♍ ქალწული
მეთორმეტე სახლი და ეს კარგი ამბავია: განმარტოება, მოგზაურობა, უცხო ქვეყნები, პროექტი, რომელიც ჯერ თვალთახედვის მიღმა იზრდება. მთავარი კითხვა: იმ უფროსს ვემსახურები? იმ ქვეყანაში ვცხოვრობ? იმ ცხოვრებით? სატურნი მეშვიდეშია, ამიტომ პარტნიორობის პირობებიც წამოიწევა.
♎ სასწორი
მეთერთმეტე სახლი: შემოსავალი, აუდიტორია, კავშირები, ოცნებები. სასწორი ბოლო დროს უსაჩუქროდ დატოვეს პლანეტებმა, ახლა უკან ბრუნდება თქვენი წილი სარგებლის დრო. ზოგჯერ საკმარისია, უბრალოდ თქვა „მინდა“ და იუპიტერი მოგცემს. ეს თორმეტ წელიწადში ერთხელ ხდება, ნუ გაუშვებ ხელიდან.
♏ მორიელი
მეათე სახლი: კარიერა და ნებისმიერი სტატუსი. სამსახურში კეტუმ ყველაფერი გაასუფთავა, კარები დაკეტილი ჩანდა. ახლა იღება. ეს სამი თვე ვარჯიშია: შესთავაზე პროექტი, მოითხოვე დაწინაურება, წარადგინე შენი საქმე. ნამდვილი გარღვევა 2027 წლის ზაფხულიდან იწყება.
♐ მშვილდოსანი
მეცხრე სახლი: მოგზაურობა, სწავლა, სწავლება, საკუთარი პოზიცია. ახლა სახლის რემონტით და ბინის საკითხებით ხარ დაკავებული (ეს სატურნია მეოთხე სახლში), მაგრამ რამდენიმე დღეში უცებ მოგინდება შორს წასვლა. მეცხრე სახლის მოგზაურობიდან ადამიანი იგივენაირი არასდროს ბრუნდება.
♑ თხის რქა
მერვე სახლი: სიცხადე. ჩანს, ვინ ვინ არის, ვის შეიძლება ენდო, ვინ წყვეტს სინამდვილეში. საბუთები ან მოგცემენ, ან მიხვდები, რომ ლოდინი აღარ ღირს. კარგი დროა კვლევისთვის, სწავლისთვის, სესხისთვის ან გრანტისთვის. მხოლოდ სხვის რესურსზე არ იყო დამოკიდებული..
♒მერწყული
მეშვიდე სახლი: პარტნიორობა ფართოვდება, კეტუ მიდის და წარსულის ფილტრები იხსნება, შეიძლება შეხვდე ადამიანს, რომლის ღირსიც ახლა ხარ. სატურნი მეორეშია, ამიტომ ფულს გაუფრთხილდი.
♓ თევზები
მეექვსე სახლი: სამსახური, დისციპლინა, ჯანმრთელობა. სატურნი პირველ სახლში დიდი ხანია გაწვება. იუპიტერი სიცხადეს მოიტანს: გაგებას, რა ფორმით უნდა იმუშაო. მარსთან ერთად სამ თვეში დაგროვებული საქმეების მთაც დაიძვრება.
და ბოლოს: იუპიტერს ცოტა შეუძლია, უბრალოდ კარს გიღებს და ზრდილობიანად გელოდება. ამიტომ ეს სამი თვე გამოიყენე ისე, როგორც რეპეტიცია, შენზე ახლა უფრო მეტია დამოკიდებული ვიდრე იუპიტერზე.
⭕ ასევე დაგაინტერესებთ:
